Zyrtare: Ky është trajneri i ri i Manchester United

Në pamundësi për të afruar një emër të madh, ata që qëndronin në krye të listës, si Pochettino apo Zidane, Man.United bën një zgjidhje të shpejtë duke gjetur trajnerin e ri. Me anë të një komunikate për mediat, “djajtë e kuqtë” bënë zyrtare arritjen e akordit me Ralf Rangnick.

Tekniku gjerman do të marrë drejtimin e ishullorëve deri në përfundim të këtij sezoni, një detaj që tregon qartë se projekti i tyre i ri, do të shpaloset në fund të sezonit. Rangnick merr përsipër të drejtojnë një klub të madh si United por të gjendur në krizë të madhe rezultatesh në Premier League.