Zgjedhjet në UP, më herët sesa ishin planifikuar

Zgjedhjet e përgjithshme, të parakohshme, në Universitetin e Prishtinës do të nisin edhe më herët se sa që ishte proklamuar se do të mbaheshin në kohën kur u vendos për këtë, shkruan sot Koha Ditore.

Ato do të fillojnë që në javën e parë të muajit dhjetor, pas më pak se dy javësh, për të përfunduar detyrimisht në muajin janar, para se të fillojë semestri i dytë në Universitet. Ndërsa, në fillim është thënë se ato do të nisin në janar dhe duhet të përfundojnë deri në fillim të marsit, të vitit të ardhshëm.

Burime të “Kohës Ditore” bëjnë të ditur se kështu është vendosur të mërkurën, gjatë një takimi të përbashkët të zhvilluar midis ministrit të Arsimit, Arsim Bajrami, rektorit të UP-së, Ramadan Zejnullahu, dhe të gjithë dekanëve të njësive akademike të Universitetit.

- Advertisement -

MË TË FUNDIT