Vritet një mjeke në Zubin Potok

     

    Një mjeke nga Lipjani A.D. është vrarë sonte gjatë shërbimit në Shtëpinë e Shëndetit në Zubin Potok.
    Lajmin e ka konfirmuar për Indeksonline, zv/komandanti i Policisë së Kosovës për veri, Besim Hoti.
    Policia e Kosovës ka dalë në vendin e ngjarjes dhe i ka filluar hetimet. I dyshuari për vrasje thuhet së është serb nga Zubin Potoku.
    “Mjekja kujdestare, në shtëpinë e shëndetit në Zubin Potok, diku rreth orës 21:00, është qëlluar për vdekje me armë zjarri. Vdekja e saj është konstatuar dhe konfirmuar prej mjekëve në Qendrën Spitalore në Veri. I dyshimti është arrestuar jo larg vendit të ngjarjes dhe arma me të cilën besohet se është përdorë, është sekuestruar”, tha Hoti.