Video e re e vetëvrasjes së 23-vjecarit në aeroportin e Rinasit. A mund të ishte shmangur tragjedia?!

23-vjecari Juglend Kapllanaj pasditen e sotme i dha fund jetës duke u hedhur nga një lartësi brenda terminalit të aeroportit të Rinasit.

Ai sapo kishte mbërritur me avion nga Gjermania, kur pasi ka thënë vetëm një fjalë tek informacioni: ‘Jam Spiderman’, është ngjitur në lartësi duke kërcënuar të hidhet.

Policia tha zyrtarisht se sapo ka hipur në rreth 8 metra lartësi ai është hedhur menjëherë duke mos pasur komunikim me asnjë person. Por nga një video e publikuar nga Ora News, shihet se i riu qëndron gjatë në lartësi, ndërsa në terminal ndodhet edhe një polic i cili shihet se është duke u marrë me udhëtarët. Ngjarja ndodhi vetëm disa minuta pasi kishte zbritur nga një fluturim i linjës Mynih-Tiranë. Ngjarja u shënua rreth orës 15:30, ndërsa sipas dëshmitarëve Kapllanaj ka ndenjur gjatë mbi tarracën e zyrave të kompanive ajrore.

A mund të ishte shmangur tragjedia? Kjo mbetet të zbulohet nga hetimet që kanë nisur për ngjarjen e rëndë.

Video nuk preferohet të shikohet nën moshën 16 vjecare.

- Advertisement -

MË TË FUNDIT