Veseli: Demarkacioni shumë shpejt në Kuvend

Kryetari i Kuvendit të Kosovës, Kadri Veseli, ka deklaruar se Demarkacioni do të shkojë shumë shpejt para deputetëve për votim.

Ai tha se ka biseduar me kryeministrin Isa Mustafa, dhe pret nga Qeveria që të jenë të gatshëm edhe për debat.

Deputeti i Lidhjes Demokratike të Kosovës, Shpejtim Bulliqi, i ka kërkuar sot Kadri Veselit që të ndërmarr një iniciativë për një debat me ekspertë si profesor Zejnullah Gruda dhe shoqërinë civile, për Demarkacionin me Malin e Zi, transmeton lajmi.net

“Njerëzit që kanë punuar ne Komision, nuk kanë nevojë të fshihen pas Qeverisë së Kosovës. Kërkesa ime është që ju të përdorni autoritetin meqë deri tani nuk kemi gjetë mirëkuptim në asnjë instancë shtetërore dhe këta njerëz kanë përgjegjësi për mospunën e tyre”, është shprehur Bulliqi.

Veseli ka deklaruar se do të ndërmarrë një iniciativë të tillë vetëm nëse do të ketë një kërkesë me shkrim, pasi nuk do që të cilësohet si primat në këtë çështje.

“Për arsye të sensitivitetit të çështjes askush nuk dëshiron të ndërmarr një iniciativë të tillë, por unë do ta ndërmarr vetëm nëse ka një kërkesë me shkrim”, ka deklaruar Veseli.

Ai u ka thënë deputetëve që në momentin që Qeveria do ta sjellë materialin për Demarkacionin, do t’ua shpërndaj edhe atyre.

- Advertisement -

MË TË FUNDIT