Për tragjedinë në fshatin Ujz të Gjakovës, pasi një shtëpi u kaplua nga zjarri, policia ka dhënë detaje të reja. Të miturit, që i përkasin moshës 10-13 vjeç, dyshohet se janë karbonizuar (djegur). Ndërsa në momentet kur zjarri kishte kapluar shtëpinë, fëmijët kishin qenë brenda në një nga dhomat e saj.

Detaje për rastin ka dhënë Policia Rajonale e Gjakovës, duke theksuar se zjarrëfikësit janë duke bërë lokalizimin e zjarrit. “Datë 08.09.2021 reth ores 09:05 policia Rajonale në Gjakovë ka pranuar njoftim se në fshatin Ujz, KK. Gjakovë një objekt është perfshire nga zjarri. Patrulla policore se bashku me ekipen e zjarrëfikesve kane arritur ne vendngjarje. Dyshohet qe brenda objektit qe ishte i perfshir nga zjarri kane mbetur dy persona te mitur, ekipet e Zjarrefiksve jane duke bere perpjekje ta lokalizojne zjarrin dhe sipas zjarrefikesave dyshohet se brenda gjinden dy persona te karbonizuar( djegur). Ne vendngjarje jane dalur te gjitha ekipet relevante policore, si dhe Prokurori Kujdestar i Shtetit. Per informata shtese ju njoftojme me kohë”, ka konfirmuar për Express zëdhënësi i Policisë Rajonale në Gjakovë, Nysret Xhurkaj.