Thaçi – Zhbogar: Zgjedhjet e parakohshme parlamentare në Maqedoni duhet të jenë korrekte

Kryetari i PDSH-së, Menduh Thaçi sot në selinë qendrore të partisë që drejton, priti në takim ambasadorin e ri të Bashkimit Evropian në vend, Samuel Zhbogar, njofton Telegrafi Maqedoni.

Në takim u bisedua për tema lidhur me situatën aktuale politike në vend, për zgjedhjet e parakohshme parlamentare, si dhe për kushtet që vendi duhet t’i plotësojë në rrugën drejt integrimit euro-atlantik.

Kryetari Thaçi potencoi se një ndër prioritetet e PDSH-së është organizimi i zgjedhjeve të lira dhe demokratike, si dhe eliminimin e parregullsive të deritanishme siç janë vjedhja e votave dhe falsifikimi i rezultateve, andaj në këtë drejtim kërkoi përkrahjen e faktorit ndërkombëtarë që të garantohen zgjedhje të lira dhe të besueshme.

Bashkëbiseduesit u pajtuan se zgjedhjet të parakohshme parlamentare duhet të jenë korrekte, të besueshme dhe demokratike, për ta rikthyer vendin në agjendën e integrimeve euro-atlantike.

- Advertisement -

MË TË FUNDIT