Tensione pas ndeshjes Prishtina – Drenica, lojtarët konfrontohen me njëri-tjetrin

Ka përfunduar kryendeshja e ditës në stadiumin “Fadil Vokrri” në Prishtinë.

Prishtina ka triumfuar ndaj Drenicës 1 me 0.

Ishte një ndeshje e dominuar nga Prishtina ku kishte edhe disa raste shënimi por që gjithçka u vendos në minutat e fundit me golin e shënuar nga Ahmed Januzi. Skuadra e Armend Dallkut bëri një hap para në rrugën drejt titullit kampion.

Skuadra nga Skenderaj ishte e hendikepuar në këtë takim kur dihet se vetëm pak ditë më parë u largua trajneri Gani Sejdiu. Mirëpo, ndeshjen u menaxhua në mënyrë të mirë edhe nga zëvendës trajneri Ibrahim Vojvoda që ishte afër të dilte me një pikë nga ky takim.

Pas ndeshjes kishte një përplasje atje ku Shkëlzen Lushtaku i Drenicës kishte polemika me Mankendan e Prishtinës, të cilët madje tentuan edhe të konfrontoheshin fizikisht me njëri-tjetrin.

Mirëpo gjithçka u qetësua më pas dhe të dy skuadrat shkuan drejt zhveshtoreve të tyre.

- Advertisement -

MË TË FUNDIT