“Sofra e Drenicës” nga Komuna e Skenderajt, me organizimin më të mirë të kulturës tradicionale, në mirëpritje të diasporës (FOTO)

Aktivitetet e shumta të komunës së Skenderajt në mirëpritje të diasporës gjatë “Muajit të Diasporës” ka bërë që pjesa dërrmuese e mërgimtarëve tanë mos të kërkojnë ahengje në vende tjera, por së bashku më familjet e tyre dhe shoqërinë të ndalen në Skenderaj, duke iu dhënë kështu një infuzion të mirë ekonomik bizneseve në Skenderaj, shkruan Drenica Press.

Ndërkaq organizimi tradicional  “Sofra e Drenicës” më këngë folklorike ushqime tradicionale pranë Shtëpisë së Kulturës “Hasan Prishtina” në Skenderaj ka bërë që deri më tani të jetë organizimi më i mirë tradicional në mbarë komunat e Kosovës.

Me rastin e këtij organizimi, Kryetari i Komunës, Fadil Nura, në fjalimin e tij drejtuar të pranishmëve, ka falënderuar të gjithë bashkatdhetarët që kanë kontribuar dhe që vazhdojnë të kontribuojnë për shtetin e Kosovës dhe kombin në përgjithësi.

Të pranishëm kanë qenë edhe nënkryetari Sami Lushtaku, profesori Daut Demaku, i cili edhe e ka udhëhequr pothuajse tërë pjesën e fjalimeve dhe tregimeve apo anekdotave, që janë edhe karakteristikë e këtij aktiviteti.
Ndërkohë edhe Ansambli i Drenicës është kujdesur për pjesën artistike, me këngë të njohura shqiptare.
- Advertisement -

MË TË FUNDIT