Kryetari i Komunës së Skenderajt, Bekim Jashari ditëve të fundit është duke u marrë vazhdimisht me çështjen e zhvarrimit të dëshmorëve të Skenderajt për t’u varrosur në Kompleksin e Dëshmorëve në Marinë, transmeton Drenica Press.
Ai gjatë ditës së sotme ka takuar familjarët e dëshmorëve, ku diskutuan për zhvendosjen e varrezave nga fshati Polac për në Kompleksin e Dëshmorëve në Marinë.
Përmes një njoftimi në faqen e Komunës së Skenderajt bëhet e ditur se: “Kryetari Bekim Jashari mbajti takim me familjarë të dëshmorëve të Komunës së Skenderajt, me të cilët diskutuan për zhvendosjen e varrezave nga fshati Polac në Kompleksin e Dëshmorëve në Marinë. Dhe në fund u dakorduan që të fillojë zhvendosja me nderimet më të larta shtetërore e ushtarake të trupave të heronjve e dëshmorëve në këtë Kompleks.”
