Sigurimi nuk mund ta ndalë Haradinajn, hyn në Kuvend pa u kontrolluar (Foto/Video)

Pjestarët e sigurisë nga Policia e Kosovë para pak çastesh nuk ka lejuar partitë opozitare ta fusin peticionin brenda Kuvendit, por ka qenë kreu i AAK-së, Ramush Haradinaj i cili ka insistuar dhe ka hyrë brenda objektit të Kuvendit.

Ndërkohë, edhe dy liderët tjerë të partive opozitare, Visar Ymeri dhe Fatmir Limaj  gjenden brenda hollit të Kuvendit ku edhe priten të mbajnë konferencën, ndonëse një gjë e tillë është ndaluar nga kryeparlamentari, Kadri Veseli, përcjell “zeri.info”

“Është e tepruar të tentohet të mos lejohet ky material të hyj në Kuvend sepse ky është një peticion i nënshkruar nga mbi 203 mijë qytetarë. Kësisoj, ne do të vazhdojmë t’i kundërshtojmë këto Marrëveshje”, ka thënë lideri i AAK-së.

Edhe lideri i NISMA për Kosovën Fatmir Limaj, ka thënë se peticioni do të dërgohet në zyret ndërkombëtare.

“Ne kemi vendos që këtë peticion ta dërgojmë në zyret kryesore ndërkombëtare” ka thënë Limaj.

- Advertisement -

MË TË FUNDIT