Xherdan Shaqiri konsiderohet si një prej yjeve të kombëtares zviceriane dhe ekipeve të tjera, me të cilat ka luajtur dhe gjithnjë ka shkëlqyer. Ndaj dhe gazetari sportiv i CNN, Don Riddell i ka kushtuar një hapësirë të veçantë në kronikat e tij.
Në intervistën për Riddell, Shaqiri sqaron arsyet pse për momentin nuk e sheh veten pjesë të kombëtares së Kosovës, pavarësisht se ekipi ende nuk është pjesë e FIFA-s apo UEFA-s.
Shaqiri: “Për momentin jam i kënaqur që luaj me Zvicrën. I kënaqur që i kthej Zvicrës atë që më jep mua dhe familjes sime. Në të ardhmen nuk e di se çfarë do të ndodhë. Është normale që dua gjithashtu edhe Kosovën. Për mua tani për tani është vetëm Zvicra.”
Për Riddell, Shaqiri thotë se i pëlqen të jetojë në Zvicër dhe të jetë pjesë e mentalitetit të këtij vendi, që prej kohësh ka qenë një magnet për emigrantët e huaj, pavarësisht se vitin e kaluar vendosi të kufizojë kuotat e pranimit të tyre.
Shaqiri: “Kam lindur në Kosovë. Prindërit e mi janë nga Kosova. Unë jetoj në Zvicër, me mentalitet zvicerian. Kur shkoj në shtëpi në Kosovë jetoj me mentalitet shqiptar.”
Përpikmëria, bën dallimin mes dy mentaliteteve.
Shaqiri: “Koha, mendoj se zvicerianët janë gjithnjë të përpiktë me kohën, ndërsa shqiptarët jo.”
Në ekipin zvicerian nuk ndihet i huaj, pasi mes 23 futbollistëve, 15 kanë prejardhje të huaj, madje 6 janë të huaj, ndër të cilët bashkëatdhetarët e tij Granit Xhama e Valon Berhami.
Aktualisht ai është pjesë e Interit, ekipi që po kërkon të rigjejë shkëlqimin e dikurshëm, ku sëbashku me lojtarët e tjerë përpiqet të tregojë se çdo të thotë të bashkëpunosh për një gol të përbashkët./Tv Klan/
- Advertisement -
