Sadikut i vjen një super ofertë

Pas golit i cili i dhuroi fitoren e parë Shqipërisë në një Kampinat Europian, menjëherë ka filluar interesimi për sulmuesin e Kombëtares shqiptare Armando Sadikun.

Në drejtim të lojtarit ka mbërritur një ofertë joshëse nga Turqia ndërsa ende nuk bëhet me dije klubi i interesuar për shërbimet e Sadikut i cili po kalon një formë të mirë fizike.

Sipas burimeve të ‘Panorama Sport’ drejtues të klubit turk i kanë ofruar Sadikut një pagë prej 700 mijë eurosh në sezon, e cila mund të quhet ‘faraonike’ për shkak se pak lojtarë të Kombëtares prekin nivele të larta.

E ardhmja e Sadikut pritet të vendoset në Zyrih pasi lojtari është në një kontratë me klubin zviceran deri në vitin 2018.

Poashtu edhe disa klube italiane kanë shprehur interesim për qendërsulmuesin shqiptar. De Biasi ka deklaruar në konferncë për shtyp, se nëse Sadiku arriti t’u shmaget mbrojtësve francez, Koscienly dhe Rami, ai është i denjë të luaj edhe në Seria A.

Sadiku është në pronësi të klubit të Zurihut që ka rënë Ligën e Dytë dhe presidenti i klubit ka deklaruar se nuk do ta lërë të largohet nga klubi, ngase me golat e tij do të kthehen në Superligën zvicerane.

- Advertisement -

MË TË FUNDIT