Në raportin e ditës së djeshme të të ardhurave të gjigandit të rrjetit social për tre mujorin e parë të 2015, Facebook zbuloi se tashmë ka më shumë se 1.44 miliard përdorues aktivë në muaj ku 1.25 miliard përdorin rrjetin social nga një telefon mobil.
Nga ana tjetër, kompania zbuloi se ka 936 milion përdorues aktivë ditor ku 798 milion shfletojnë në rrjetin social nga një paisje mobile. Kjo do të thotë se 65 % e përdoruesve aksesojnë shërbimin çdo ditë. Një fakt interesant është se ndërsa rritja e rrjetit social po ngadalësohet, të ardhurat që po gjenerohen nga përdoruesit mobil të rrjetit social po rriten fuqishëm. Krahasuar me tre mujorin e fundit të 2014, u vu re një rritje me 55 milion në numrin e përdoruesve mobil aktivë.
Përdoruesit mobil tani përbëjnë 40.3 % të numrit total të përdoruesve të rrjetit social. E ky numër vazhdon e rritet dita ditës kjo si pasojë e rritjes së trendit të smartfonëve që do të vazhdojë edhe për shumë kohë.
