Rrëzohet aeroplani në Siberi me 39 persona në bord

Një avion IL-18 që i përket Ministrisë së Mbrojtjes së Rusisë është rrëzuar në Yakutia në Siberi, ndërsa kishte 39 persona në bord, njofton BBC.

Ministria e Mbrojtjes tha se 16 persona ishin plagosur rëndë, duke korrigjuar një raport të mëparshëm se kishte 26 persona të vdekur, transmeton Syri.net.

Aeroplani mbante 32 pasagjerë dhe shtatë anëtarë të ekuipazhit kur ai ra afër Tiksi-t në distriktin Bulun në lindjen e largët të Rusisë.

Kushtet atmosferike kishin qenë të këqija në zonën ku ndodhi rrëzimi.

Aeroplani po kryente një fluturim të planifikuar nga Kranks-t kur ai ra poshtë 30 km në afërsi të Tiksti-t në orën 4.45 min.(19:45 GMT të së dielës).

Avioni u nda në tre copa në atë që duhej të kishte qenë një ulje emergjente.

Tre helikopterë Mi-8 u dërguan në vendin e aksidentit nga Ministria e Emergjencave të Rusisë.

Krahas 16 të plagosurve rëndë, edhe shtatë persona të tjerë në bordin janë shtruar në spital për trajtim.