Rezultati 8:0, fituesit sulmojnë gjyqtarin e Superligës në ndeshjen e femrave

Gjyqtarët nuk sulmohen vetëm tek meshkujt. Madje, ata sulmohen edhe kur në fushë luajnë femrat, e për më tepër kur rezultati është 8:0!

Krejt kjo ndodhi të hënën në ndeshjen Mitrovica – Kosova e Prishtinës, ku vendaset ishin pranë fitores bindëse.

Takimi u ndërpre në pjesën e dytë, kur pas një përleshjeje të femrave në fushë, dhe ndëshkimit me kartonë të kuq, një zyrtar i Mitrovicës sulmon gjyqtarin Mervan Bejtullahu, i cili ndan drejtësinë edhe në Superligë, shkruan GazetaOlle.com.

Ai me këtë rast ndërprenë ndeshjen. Mirëpo, cili është versioni i zyrtarëve të ndeshjes.

Haki Bllacaku, trajner i femrave të Kosovës thotë se zyrtarët e Mitrovicës e sulmuan fizikisht gjyqtarin. “Njëri nga personat përgjegjës të skuadrës së Mitrovicës hynë në fushë dhe e sulmuan gjyqtarin Bejtullahu. Më pas ai ndërpreu takimin”, tha Bllacaku për GazetaOlle.com.

Ndërkohë, version tjetër jep Hajrullah Haxhiu i Mitrovicës, i cili kishte marrë vetë pjesë në sulm.

Nuk është e vërtetë se e kam sulmuar, ka pasur vetëm shtyrje”, thotë ai, duke treguar më pas ngjarjen në mënyrë kronologjike.

Ne ishim duke fituar 8:0. Lojtaret e Kosovës luanin shumë ashpër. I thash gjyqtarit për këtë, ai më tha se është puna e tij çfarë bënë ai. Pastaj një lojtare e tyre u kap me lojtaren tonë, Blerin Musa, dhe gjyqtari iu dha kartonë të kuq”, tregon Haxhiu.

Më pas lojtaret më thanë se ai Bllacaku i Kosovës i paska sulmuar ato në vend se t’i ndajë sikur ne që bënim. Pas gjithë kësaj kur i thash gjyqtarit ta nis ndeshjen, tha jo nuk mundem është vendim i vëzhgueses Arta Osmani, e cila nuk ka drejtë të jetë vëzhguese, pasi është edhe në Komisionin e Delegimit. Kështu, gjyqtari me vëzhguesen e gjetën mënyrën për të na humbur fitoren”, shtoi ai.

Haxhiu ka deponuar deklaratën në Federatë, dhe sipas tij, çdo dënim ndaj tij, do të rezultojë me tërheqje nga garat.

- Advertisement -

MË TË FUNDIT