Reth 500 mijë euro do t’i kushtojë buxhetit të Kosovës dëshira e Agim Veliut për t’u bërë ministër!

Komisioni Qendror Zgjedhor sot ka mbajtur mbledhjen e radhës ku janë marrë disa vendime lidhur me organizimin e zgjedhjeve të jashtëzakonshme për Kryetar të Podujevës, raporton Gazeta Express.

KQZ-ja ka marrë vendim që të shkurtojë afatet kohore për organizimin e këtyre zgjedhjeve.

Subjektet politike dhe kandidatët kanë të drejtë për aplikim nga data 8 shkurt deri më 17 shkurt 2020.

KQZ-ja po ashtu ka marrë vendim që fushata zgjedhore për Kryetar të Komunës së Podujevës të zgjasë 10 ditë, nga data 3 mars më 13 mars 2020.

Në këtë mbledhje, KQZ miratoi planin e buxhetit për organizimin e këtyre zgjedhjeve. Buxheti i aprovuar nga KQZ-ja është në vlerën: 491 mijë e 517 euro.

Vendimet e KQZ-së në mbledhjen e mbajtur sot:

Aplikimi i  subjekteve politike dhe kandidatëve fillon më 8 shkurt dhe më 17 shkurt 2020;

Tërheqja e shortit për renditjen e subjekteve politike dhe kandidatëve në fletëvotim do të mbahet më 2 mars 2020;

Periudha e aplikimit për t’u regjistruar votues jashtë Kosovës fillon më 16 shkurt dhe përfundon më 23 shkurt 2020;

Periudha e votimit përmes postës fillon më 3 mars dhe përfundon më 13 mars 2020;

Periudha e apklikimit për t’u regjistruar votues me nevoja të veçanta fillon më 26 shkurt dhe përfundon më 1 mars 2020;

Fushata Zgjedhore për subjektet politike dhe kandidatët fillon më 3 mars dhe përfundon më 13 mars 2020;

Afati për aplikim për akreditim të vëzhguesve të subjekteve politike dhe OJQ-ve fillon më 14 shkurt dhe përfundon më 10 mars 2020;

Afati për aplikim për akreditim të vëzhguesve ndërkombëtarë të zgjedhjeve dhe mediave fillon më 14 shkurt dhe përfundon më 12 mars 2020;

Periudha për formimin e Komisionit Komunal të Zgjedhjeve fillon më 8 shkurt dhe përfundon më 14 shkurt 2020;

Periudha për formimin e Këshillave të Vendvotimit fillon më 25 shkurt dhe përfundon më 6 mars 2020;

- Advertisement -

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

MË TË FUNDIT

WP2Social Auto Publish Powered By : XYZScripts.com