Gjatë ditëve të fundit, drejtuesit e automjeteve kanë ndihmuar Policinë e Kosovës duke fotografuar dhe duke siguruar pamje të qytetarëve që nuk respektojnë rregullat e trafikut.

Policia e Kosovës përmes pamjeve të siguruara, në shumicën e rasteve ka shqiptuar edhe gjoba të cilat i ka publikuar edhe në faqen zyrtare në Facebook.

Në një video shihet një veturë e cila bën dy tejkalime të rrezikshme në dalje të autostradës për Pejë.

Edhe pse rruga ka vetëm një shirit për vajtje, automjeti në fjalë bën dy tejkalime që janë duke lëvizur me shpejtësi të ngadalësuar për shkak të kolonës dhe reshjeve të shiut.

Muajin e fundit Policia e Kosovës ka bërë të ditur se nuk do të ketë tolerancë ndaj personave që nuk respektojnë rregullat e trafikut, duke marrë parasysh edhe rritjen e numrit të aksidenteve gjatë muajve të fundit.