Profesori hebre Norman Finkelstein, është i njohur për ligjëratat e tij dhe për librat si ‘Industria e Holokaustit’ dhe ‘Metodat dhe Çmenduria’.
Gjatë një fjalimi të tij në Universitetin e Kalifornias, ai kishte deklaruar se Izraeli ka kryer shumë krime luftë në Palestinë dhe kishte thënë se më shumë se 1400 civilë kanë vdekur atje që nga viti 2014.
Rripi i bllokuar i Gazës është duke u zhytur në një katastrofë humanitare, thotë ai.
Ndërkohë, ai ishte përballur ashpër me një studente, debatin e të cilit, mund ta shihni në videon që sjell Periskopi.
Ai poashtu ka kritikuar presidentin amerikan Donald Trump për të njohur Jerusalemin si kryeqytet të Izraelit.
Ndryshe, Në Gaza sot varrosen 58 personat e vrarë të hënën, gjatë përleshjeve mes trupave izraelite me protestuesit palestinezë.
Në këtë ditë po ashtu shënohet 70-vjetori i asaj që palestinezët e quajnë “Nakba” apo “Katastrofa”, që shënon zhvendosjen masive të palestinezëve pas krijimit të shtetit të Izraelit.
Ushtria izraelite ka thënë se janë të përgatitur për konfrontime të mëtejme sot.
Por, grupet palestineze kanë lënë të kuptohet se ata do të ndërpresin protestat, raporton BBC.
Protestat e 14 majit u zhvilluan në kohën kur Shtetet e Bashkuara hapën amabsadën në Jerusalem.
Ministria e Shëndetësisë në Gaza ka njoftuar se në protestat e 14 majit, po ashtu janë plagosur 2,700 persona.
Izraeli ka njoftuar se 40 mijë palestinezë morrën pjesë “në trazirat e dhunshme”, ndërkaq, kryeministri Benjamin Netanyahu mbrojti vendimin për të përdorur forcë, duke thënë se “çdo shtet e ka për obligim që të mbrojë kufinjtë e tij”.
Zëdhënësi i Shtëpisë së Bardhë, Raj Shah ka thënë se “përgjegjësia për këto vdekje tragjike bie te Hamasi”.
“Hamasi qëllimshëm dhe me cinizëm ka provokuar këtë përgjigje”, ka thënë ai.
Shtetet e Bashkuara hapën ambasadën në Jerusalem në 70-vjetorin e shtetit të Izraelit.
Presidenti i Autoritetet Palestinez, Muhamud Abbas, ndërkaq, ka dënuar përdorimin e dhunës, duke e quajtur këtë ngjarje si “masakër” të kryer nga forcat izraelite dhe ka shpallur tre ditë zie.
Protestat e 14 majit ishin më të përgjakshmet që prej luftës në Gaza më 2014. Ato ishin pjesë e protestave që palestinezët kanë organizuar për gjashtë javë me radhë, që i kanë quajtur “Marshi i Madh i Rikthimit”, pasi palestinezët dëshirojnë të kthehen në territoret, që tashmë i takojnë Izraelit.
Shefi për të drejtat e njeriut i OKB-së, Zeid Ra’ad al-Huessein ka shprehur “zemërim për shkeljen e të drejtave të njeriut”, nga forcat izraelite.
Ndërkaq, presidenti i Turqisë, Recep Tayyip Erdogan ka akuzuar forcat izraelite për “gjenocid” ndërkaq Izraeli ka thënë se është “shtet terrorist”.
Këshilli i Sigurimit i Kombeve të Bashkuara pritet që të mblidhet për të diskutuar për dhunën në Gaza.
Mbledhja është thirrur nga Kuvajti, por ende nuk është e qartë çfarë vendimi pritet të merret në këtë mbledhje.
Shtetet e Bashkuara bllokuan një deklaratë të propozuar nga Kuvajti, në të cilën kërkohej “hetim i pavarur dhe transparent”, për protestat vdekjeprurëse në Gaza.
