Prishtina ende pa spital (Video)

Ndërtimi i një spitali rajonal në Prishtinë ka mbetur peng i mosmiratimit të Ligjit për kryeqytetin, raporton KTV.

Drejtori i Shëndetësisë në Prishtinë, Arben Vitia thotë se mungesa e një spitali të tillë po e ngarkon QKUK-në, por janë duke pritur që ligji për Prishtinën të miratohet në Kuvend për të vazhduar me këtë projekt.

Edhe në Emergjencë thonë se ka mbingarkesë dhe një spital rajonal do t’u ndihmonte shumë. Zyrtarë të Ministrisë së Shëndetësisë thonë se prioritet i tyre është ndërtimi i një spitali të Përgjithshëm në Prishtinë brenda dy vjetëve.

Në Qeverinë e Kosovës thonë se kanë themeluar një grup punues, për Ligjin për Prishtinën ku janë të përfshirë të gjitha palët. Ata shpresojnë se në shtator do të dalin me një draft -propozim të këtij ligji.

- Advertisement -

MË TË FUNDIT