Polemika Çollaku-Hoti ngjall dyshime për falsifikim të një vendimi qeveritar

Ministri Bekim Çollaku e ka prezantuar të premten si shqetësim krejtësisht të vogël një brengë që e ka shfaqur në mbledhjen e Qeverisë, por, në fakt, përbën dyshim për falsifikim vendimi, shkruan sot Koha Ditore.

Kjo, pastaj, ka prodhuar polemikë të ashpër mes tij e ministrit Avdullah Hoti.

Bëhet fjalë për një vendim të Qeverisë, që mban datën 29 prill, e me të cilin është mbështetur me 300 mijë euro programi i bursave Fullbright.

Referuar në pikën 3 të vendimit, për qëllim të kësaj mbështetjeje, në procesin e rishikimit të buxhetit do të kursehen 50 mijë euro nga Ministria e Integrimit Evropian, të cilën e drejton Çollaku. Dhe këto mjete i janë marrë ministrisë të premten, kur Kabineti qeveritar e ka miratuar Buxhetin e rishikuar dhe e ka proceduar atë për votim në Kuvend.

- Advertisement -

MË TË FUNDIT