Plazhi i Durrësit braktiset nga turistët kosovarë

     

    Plazhi i Durrësit nuk ishte parë ndonjëherë kaq bosh në fund të qershorit.

    Kjo është fundjava e fundit e muajit, por ngjan si ditët e para të hapjes së sezonit turistik.

    Numri i pushuesve është i papërfillshëm.

    I njëjtë është edhe ai i prenotimeve. Zgjedhjet, moti jo i nxehtë apo muaji i Ramazanit duken si shkaqet e braktisjes së këtij plazhi.

    Plazhet private të bëra gati me kujdes, janë të pashfrytëzuara.

    Korriku shihet si muaji i shpresës për bizneset që jetojnë me turizmin. Përndryshe, falimentimi duket i pashmangshëm.

    Këtë qershor Durrësi ka humbur edhe pushuesit tradicionalë, ata nga Kosova, që e kanë këtë bregdet zgjedhjen e parë.