Përfundon asfaltimi i rrugëve në lagjet e fshatit Baicë e Vërboc

Komuna e Drenasit, po vazhdon në financimin e projekteve në lokalitetet e Komunës për të përmirësuar kushtet infrastrukturore. Kështu kanë përfunduar punimet në asfaltimin e rrugëve në lagjet e fshatit Baicë e Vërboc, projekte dy vjeçare të cilat kishin nisur vitin e kaluar dhe që përundohen këtë vit.

Sot ka përfunduar asfaltimi i rrugës në fshatin Baicë të Komunës së Drenasit, përkatësisht tek lagja Zariqi ne gjatësi prej 500 metrave, ndërsa fundjaven që lam, ka përfunduar asfaltimi i rrugës në fshatin Vërboc në lagjën Istogu, Prokshi dhe Kastrati në gjatësi prej 1200 metrave.

Në këto dy vendbanime, Komuna e Drenasit ka kontraktuar operator ekonomik në projekte dy vjeçare, dhe në fund të vitit të kaluar në fshatin Vërboc kishin përfunduar asfaltimi i rrugës në lagjën Dobra 500 metra, Rrukiqi 600 metra dhe Gllareva 300 metra, po ashtu edhe në fshatin Baicë.

Në fshatin Baicë, operatori ekonomik është duke punuar për asfaltimin e rrugës edhe në lagjen Leku e Kiqina ne gjatësi prej 800 metrave. Këto janë vetëm disa nga projektet që Drejtoria e Urbanizmit ka intensifikuar punimet për t’u kryer gjatë këtij viti, projekte këto të cilat janë edhe në listën e projekteve kapitale për vitin 2016 e cila është miratuar nga ana e Kuvendit të Komunës.

- Advertisement -

MË TË FUNDIT