Kryetari i LVV-së, Albin Kurti ka thënë se është alarmuese situata në të cilën gjendet Kosova pas reshjeve të mëdha e vërshimeve që pasuan.

Kurti përmes një postimi në Facebook, ka shkruar se shiu ka nxjerrë në pah edhe dështimet e keqqeverisjes 20 vjeçare.

Ai ka thënë se do  të insistojnë që Prokuroria menjëherë të hap hetimet për ndërtuesit e rrugëve, pronarët e gurthyesve, inspektorët e mbikqyrësit, por edhe për politikanët që kanë shpallur e kanë marrë vendim për tenderët dhe për konkurset.

“Është marre dhe është mëkat që me taksat e këtij populli të paguash çmimin shumë të shtrenjtë për rrugët krahasuar me rajonin, e në fund ato të jenë të cilësisë më të dobët” ka shkruar Kurti.