Ballina Blog Faqe 10099

Dy serbë janë arrestuar lidhur me zhdukjen e djaloshit shqiptar në Mitrovicë

Dy serbë janë arrestuar lidhur me rastin e zhdukjes së djaloshit 16 vjeçar Sead Alushi, në pjesën veriore të Mitrovicës, të cilëve u është caktuara masa e ndalimit policor prej 48 orësh.
Duke u mbëtetur në burime brenda Policisë së Kosovës në veri, mediat serbe njoftojnë se dy serbët janë arrestuar të shtunën, një ditë pasi në polici është raportuar zhdukja e djaloshit.
Sipas një kumtese të mëhershme nga komuna e Mitrovicës, djaloshi 16 vjeçar, bashkë me dy shokë të tjerë kishin shkuar për të grabitur një qen në një objekt, mu aty ku bashkohen lumenjtë Ibër e Sitnica dhe duke ikur nga aty, pasi që janë vërejtur nga pronari serb i qenve, dy prej të rinjve shqiptarë kanë rënë në lum.
Ndërsa Besim Hoti, zëvendës komandant i stacionit të policisë në veri të Mitrovicës, ka thënë se njëri prej tyre është shpëtuar falë ndihmës që i ka ofruar pronari serb i qenve, i cili e ka strehuar më pastaj në një shtëpi serbe aty afër, prej nga ka shkuar në shtëpinë e tij.

RAPORTI 24 ORËSH I PK-së dhe APELI NGA POLICIA E KOSOVËS, PËR SIGURI NË KOMUNIKACIONIN RRUGOR

Me qëllim të ngritjes së nivelit të sigurisë dhe parandalimit të aksidenteve të trafikut, Policia e Kosovës në disa akse rrugore ka të caktuara Njësitet Policore të Komunikacionit Rrugor, të cilat do të ushtrojnë kontrolle të vazhdueshme për respektimin e normave ligjore që kërkohen, duke përfshirë shpejtësinë e lejuar dhe përshtatjen e ngasjes së automjeteve me kushtet rrugës dhe shenjat e komunikacionit rrugor.
Po ashtu, meqë tani jemi në sezonën pranverore, dhe ka lëvizje më të shtuara të mjeteve bujqësore në rrugë, kërkohet një kujdes më i shtuar i pjesëmarrësve në trafik, duke përfshirë edhe vet drejtuesit e mjeteve bujqësore, që ti respektojnë rregullat e trafikut dhe shmangies së pasigurisë në trafik.
Me qëllim parandalimin e aksidenteve në komunikacionin rrugor, Policia e Kosovës vazhdon të apeloj tek të gjithë  ngasësit e automjeteve që të respektojnë dispozitat ligjore të lëmit të komunikacionit, të respektojnë shenjat e trafikut, të ju përshtaten kushteve të rrugës, pasi që këto norma janë vendosur për mbrojtjen e jetës së tyre dhe pjesëmarrësve tjerë në komunikacion.
RAPORTI 24 ORËSH I PK-së
                                  RAJONI I PRISHTINËS
 INCIDENTET  KRIMINALE
ARMËMBAJTJE PA LEJE
Fsh. Gumnasell, Lipjan 12.04.2015-22:45. Si rezultat i punës së njësiteve policore, raportohet se gjatë kontrollit në veturën e të dyshuarit mashkull K-shqiptar është gjetur dhe konfiskuar një armë TT prodhim YU tre fishekë të kal.7.62 mm. Me vendim të prokurorit i dyshuari lirohet ,rasti shkon në procedurë të rregullt.
INCIDENTET TJERA /NGJARJET
AKSIDENT TRAFIKU ME FATALITET
Fsh. Akllap, Lipjan  12.04.2015-14:20. Raportohet se viktima mashkull K/Shqiptar (i mitur) derisa ishte i ulur në rimorkion e traktorin të cilin e drejtonte një i afërm i tij, është rrëzuar dhe i njëjti  ka pësuar lëndime vdekjeprurëse.  Me vendim të prokurorit trupi i pajetë dërgohet në IML për obduksion, ndërsa rasti procedohet në procedurë të rregullt.
 
                                               RAJONI I GJILANIT
INCIDENTET  KRIMINALE
 VJEDHJE E RËNDË
Rr. Mulla Idrizi ,Gjilan 04.02.2015-00:00-07:00.Raportohet se më datën 12.04.2015 janë arrestuar dy të dyshuar meshkuj K-shqiptar pasi që të njëjtit kanë vjedhur në   market “Diana” pronë e ankuesit mashkull K-shqiptar. Të dyshuarit kanë vjedhur 64 pako cigare të ndryshme ,dy kamera ,një telefon mobil ,një shtëpizë kompjuteri një llap top ,një portofol një DVD . Të njëjtit gjatë intervistimit e kanë pranuar veprën e cekur më lartë ,me vendim të prokurorit janë kontrolluar edhe dy lokacione ku banojnë të dyshuarit me ç’rast  janë gjetur dhe konfiskuar si prova materiale një portofol një tastatur një orë dore. Të dyshuarit dërgohen në mbajtje.
INCIDENTET TJERA /NGJARJET
 Asgjë  për te raportuar
                          RAJONI I FERIZAJT
INCIDENTET  KRIMINALE
VJEDHJE E VETURËS – E GJETUR
Rr. Gjon Sereqi, Ferizaj  11.04.2015-23:30. Ankuesi mashkull K/Shqiptar ka raportuar se nga person-a të panjohur i është vjedhur vetura e tij. Pas një  pune hetimore të suksesëshme,  njësiti  Policor ka arrit qe ta gjej dhe konfiskoj veturën  e raportuar si te vjedhur. Po ashtu ka arrit që të arrestojë edhe personin e  dyshuar mashkull K/Shqiptar i cili me vendim te Prokurorit  pas intervistimit  është dërguar  ne mbajtje.
LËNDIM I LEHTË TRUPOR
Hani i Elezit 12.04.2015-10:00.  Është arrestuar i dyshuari mashkull K/Shqiptar pasi që i njëjti pas një mosmarrëveshje ka sulmuar bashkëshorten e tij, duke i shkaktuar lëndime të lehta trupore. Viktima ka pranuar tretmanë mjekësor, ndërsa i dyshuari pas intervistimit me vendit të prokurorit është dërguar në mbajtje.
ZJARRVËNIJE
Brezovicë 11.04.2015-22:30. Raportohet se në rrethana të panjohura  nga zjarri është përfshi vetura Range Rover, pronë e viktimës femër K/Shqiptare. Njësitet përkatëse kane dalë ne vendin e ngjarjes , ndërsa njësiti zjarrfikës ka lokalizuar zjarrin. Sipas viktimës vlera e demit te shkaktuar është e lartë . Nuk raportohet për të lënduar.
INCIDENTET TJERA /NGJARJET
GJETJE  E MJETIT SHPËRTHYES
Fsh. Sojevë, Ferizaj 12.04.2015-10:30.   Një mashkull K/Shqiptar ka raportuar se derisa ishte duke rinovuar një shtëpi të vjetër, nën tjegulla kishte vërejtur një mjetë të dyshuar të pashpërthyer. Njësiti policor ka bërë sigurimin e vend-ngjarjes derisa njësiti për deminim i FSK-së ka bërë tërheqjen  e mjetit në mënyrë të sigurt dhe pa incidente.
                           RAJONI I PRIZRENIT
INCIDENTET  KRIMINALE
 
Asgjë  me rëndësi për te raportuar
 
INCIDENTET TJERA /NGJARJET
Asgjë   për te raportuar
 
                            RAJONI I PEJËS
  
INCIDENTET  KRIMINALE
  
HETIM I VDEKJES
Fsh. Vitomiricë, Pejë 12.04.2015-08:54. Raportohet se në shtëpinë e tij është gjetur pa shenja jete viktima mashkull K/Shqiptar. Njësitë përkatëse kanë dalë në  vend-ngjarje, e po ashtu edhe  ku mjeku kujdestar i cili  ka konfirmuar vdekjen e viktimës. Me vendim të prokurorit trupi i pajetë është dërguar në IML  për obduksion.
  
INCIDENTET TJERA /NGJARJET
  
ARRESTIM I PERSONIT TË KËRKUAR
Fsh. Lloqan, Pejë 12.04.2015-13:00. Në bazë të urdhëresave lëshuar nga Gjykata Themelore Pejë  dega Deçan, është arrestuar një mashkull K/Shqiptar dhe i njëjti është dërguar në vuajtje dënimi në burgun e Dubravës.
                                                                            
 
                           RAJONI I GJAKOVËS
  
INCIDENTET  KRIMINALE
  
ZJARRVËNIE
Fsh. Devë, Gjakovë 12.04.2015-07:55. Ankuesi mashkull K/Shqiptar ka raportuar se në rrethana të panjohura nga zjarri i është djegur stalla e mbushur me ushqim dhe dy lopë. Njësitë përkatëse dhe  ekipet e zjarrfikësve kanë dalë në vend-ngjarje. Përveç dëmeve materiale në vlerë prej 5000€ nuk raportohet për të lënduar. Njësitë policore janë duke hetuar rastin.     
 
INCIDENTET TJERA /NGJARJET
 Asgjë   për te raportuar
 
                                       RAJONI I MITROVICËS
INCIDENTET  KRIMINALE
 Asgjë  me rëndësi për te raportuar
 
INCIDENTET TJERA /NGJARJET
Asgjë  për te raportuar
 
                                        RAJONI I MITROVICËS – VERI
 INCIDENTET  KRIMINALE
 Asgjë  me rëndësi për te raportuar
 INCIDENTET TJERA /NGJARJET
 Asgjë  për te raportuar
                             POLICIA KUFITARE
 
INCIDENTET  KRIMINALE
 Asgjë  me rëndësi për te raportuar
 
INCIDENTET TJERA /NGJARJET
 
Asgjë  për te raportuar
 
STATISTIKAT E  PËRGJITHËSHME
Aksidente fatale
001
Aksidente me të lënduar
009
Aksidente pa të lënduar
031
Tiketa trafiku të shqiptuara
793
Arrestime
006
Në mbajtje
005

Kuvendi diskuton peticionin kundër shtrenjtimit të rrymës

Ka muaj që në Kuvendin e Kosovës është dorëzuar peticion i nënshkruar nga mijëra qytetarë kundër ngritjes së çmimit të rrymës nga Zyra e Rregullatorit të Energjisë.
Iniciatorët e peticionit kundër shtrenjtimit të rrymës, shpresojnë që kuvendi të mos e shtyjë edhe më tej diskutimin për këtë çështje. Ata thonë se disa kërkesa të peticionit nuk janë marrë parasysh nga komisioni për peticione.
“Ne kërkojmë që të shqyrtohen dy vendimet të cilat janë marrë për rritjen e cmimit të energjisë në vitin 2014 , dhe të anulohen këto vendime si dhe të shikohet mundësia e shkarkimit të bordit të ZRRE-së për shkak se vendimet të cilat janë marrë nuk janë marrë me numrin e plotë të anëtarëve”, tha Rinora Gojani – Indep/KOSID.
Kryetarja e Komisionit për peticione thotë se deputetëve u janë dorëzuar rekomandimet e të gjitha palëve, andaj askush s’ka pse të brengoset.
“Të gjithë deputetët, i kanë ato rekomandime si pjesë shtesë të materialit, dhe ata do të shikojnë të gjitha bashkë, rekomandimet nga parashtruesit e peticionit, nga komisioni i të drejtave të njeriut, nga komisioni i buxhetit, tani kësaj i shtohet edhe raporti i ZRRE-së, poashtu dua ti bëj ftesë deputetëve që ta shikojnë edhe raportin e komisionit hetimor të mëhershëm”, tha Lirie Kajtazi, Kryetare e Komisionit për peticione dhe të drejta të njeriut.
Kajtazi thekson se deputetët do të vendosin nga i tërë materiali i ofruar për gjërat që ka në kompetencë.
“Ne çdo herë e kemi respektua pavarësinë e bordit, prandaj për këtë arsye kemi vendos me këtë analizë”.
Ajo thotë se disa kërkesa të peticionit do të realizohen edhe nga pakoja fiskale e faljes së e borxheve, me ç’rast do të ndikojë në uljen e çmimit të energjisë. Porse kur do të diskutohet për këtë çështje në Kuvend, vendos kryesia e Kuvendit.

Konkurs letrar për Sofrën Poetike “Ymer Elshani”

Ymer Elshani- një emër i njohur jo vetëm në Drenas dhe Drenicë por edhe më gjerë. Pothuajse çdo shqiptar ka dëgjuar për poetin e njohur për fëmijë, Ymer Elshani.
Lufta e Kosovës mori shumë viktima dhe la shumë pasoja për popullin kosovar, nga viktimat e shumta të kësaj lufte është edhe familja Elshani. Poeti i dashur dhe i njohur në trojet shqiptar, i cili la gjurmë të mëdha në letërsinë shqipe, Ymer Elshani, ishe cak i forcave paramilitare serbe të cilët e ekzekutuan atë së bashku me katër bijtë, nënë, gruan dhe kunatën. Ndonëse ekzekutimi i tij dhe familjes Elshani nuk i kënaqi forcat paramilitare serbe, ata shkuan deri në nivelin shtazarak duke i hedhur kufomat në bunar.
Për të kujtuar jetën dhe veprën e Ymer Elshanit, komuna e Drenasit organizon konkursin tradicional letrar Sofra Poetike “Ymer Elshani”.
Sofra Poetike “Ymer Elshani” mbahet më 16.04.2015 në Sallën e Kuvendit Komunal në Drenas, duke filluar nga ora 11-te. Po atë ditë do të shpallen tri çmimet më të mira në poezi.
Vendi i parë do të shpërblehet me 200 euro
Vendi i dytë do të shpërblehet me 150 euro
Vendi i tret do të shpërblehet me 100 euro   /drenicapress/

Shpend Ahmeti nuk do ta shkarkojë Liburn Aliun

Kryetari i Komunës së Prishtinës nuk do ta shkarkojë nga pozita e drejtorit të Drejtorisë së Urbanizmit, Liburn Aliun, shkruan sot Koha Ditore.
Këtë deklaratë të kryetarit e ka transmetuar, të dielën në mbrëmje, përfaqësuesi i Zyrës për Marrëdhënie me Publikun, Xhevdet Pozhari.
Mosshkarkimin e ka arsyetuar me faktin që sipas Ahmetit, ngjarja nuk ka ndodhur brenda institucioneve komunale, por jashtë objektit.
Ahmeti u është përgjigjur kështu përfaqësuesve të subjekteve opozitare në Kuvendin Komunal, LDK e PDK, të cilët kanë paralajmëruar se gjatë kësaj jave zyrtarisht do të kërkojnë nga ekzekutivi i Prishtinës, shkarkimin e Liburn Aliut nga pozita e drejtorit, pas sulmit ndaj këshilltarit komunal nga radhët e PDK-së, Muhamet Selmani.
Liburn Aliu, drejtor i Urbanizmit në Komunën e Prishtinës, është arrestuar të premten mbrëma, pak orë pasi ishte përfshirë në një konflikt fizik me këshilltarin komunal nga radhët e PDK-së, Muhamet Selmani. Atij i ishte caktuar masa e arrestit prej 48 orësh. Ai është liruar, të shtunën, pasi është intervistuar. /koha/

Rrjedhin fotot e para të LG G4

Ajo që është vlerësuar nga shumë njohës të teknologjisë së telefonave, theksuan se modeli i ri nga LG, G4 do të përballet me një konkurrencë të vështirë, për shkak të sukseseve të mëdha që shënuan Apple dhe Samsung me modelet më të reja.
LG G4 do të prezantohet  me 28 prill. Për këtë version kanë qarkulluar disa foto ku duket se ky model do të ketë pjesën e pas prej lëkure si dhe do të ketë mundësi të zgjedhje në disa ngjyra.
Besohet se do ketë një ekran 5.5 inc QHD ISP, bateri me kapacitet 3,000mAh, procesor Qualcomm Snapdragon 810 me 3GB RAM.

Canon vjen me aparatin e ri XC10

Kompania e famshme Canon prezanton pajisjen më të re XC10, që vjen me video të përmirësuar 4K dhe lentet për zoom. Aparati ka të instaluar një sensor 1-inç që mund të incizojë video 4K me rezolucion 3840×2160 dhe gjithashtu video full HD me 1080 pixels.
E veçanta e këtij aparati është lidhja me Wi-Fi për dual-band 2.4 GHz dhe 5GHz që mundëson kyçjen me tablet, telefona të mençur dhe kompjuter. Aparati i ri XC10 mund të bëjë fotografi, por vetëm me 12 megapiksel kurse videot 4K deri në 8 megapiksels.
Pritet që aparati i ri kamër të vijë kundrejt çmimit prej 2,500 dollarë. /albeu/

Gashi, gol dhe karton t’kuq me Baselin (video)

 

Mesfushori i kuqezinjëve, Shkëlzen Gashi ka qenë një nga protagonistët kryesorë në fitoren e sotme të Baelit, 5-1 ndaj Zyrihut. Ai ka realizuar sërish për skuadrën e tij dhe më pas është përfshirë në një skenë të shëmtuar.
Bazeli kalon në avantazh në minuten e 24’  pikërisht falë golit të shqiptarit.  Kur pjesa e parë po i drejtohej fundit, 26-vjeçari  u bë dhe pjesë e një eisodi të pakëndshëm pasi u përplas fizikisht me një futbollist kundërshtar duke u ndëshkuar me kartonin e kuq.
Pasi morri një goditje të ashpër nga një kundështar Gashi qëndroi për disa sekonda i shtrirë në tokë dhe më pas u ngrit duke e goditur me grusht dhe duke e plasur në tokë këtë të fundit. Gashi ka qenë pjesë e Zyrihut në vitet 2006-2009 dhe sot i ka shënuar pikërisht ish skuadrës së tij.

Milani dhe Sampdoria ndahen në paqe (Video)

Milan nuk ka mundur më shumë se një barazim në San Siro kundër Sampdorias, me rezultat 1:1. Golin për Sampdorian e shënoi Roberto Soriano në minutën e 58’, pas një asistimi të Eto’os. Për Milanin barazoi mesfushori holandez De Jong në minutën 74’. Me ketë barazim Milan renditet në vendin 8 me 42 pikë, ndërsa Sampdoria në vendin 6 me 49 pikë./DrenicaPress/

Mjalti lufton ulcerën e stomakut

Personat më të prekur nga sëmundja e ulcerës në stomak janë pikërisht meshkujt. Ende nuk dihet shkaku i vërtetë i shfaqjes së saj.

Por, meqenëse ulcera, në më të shumtën e rasteve, është e pranishme te personat që konsumojnë pije alkoolike, mendohet se mund të jetë kjo arsyeja pse ajo është më e përhapur te meshkujt.

Një prej mundësive të pakta që përdoret për kurimin e ulcerës në stomak është mjalti. Vetitë e tij kuruese janë të dukshme, nëse ai përdoret të paktën 4 lugë çaji mjaltë në ditë. Mjalti ka në përbërje të tij elementë, të cilët kanë efekte rigjeneruese, sidomos te plagët.

Ai i pastron ato, dhe i mbron nga infeksionet e ndryshme. Po ashtu, përdorimi i rregullt i mjaltit, sidomos në mëngjes dhe para se të shkoni në gjumë, kontribuon në masë të madhe në zorrë të shëndosha dhe pa pezmatime.

Ajo që duhet të bëni, është që mjaltin mundësisht ka konsumoni në stomak të zbrazët, apo së paku dy orë pasi të keni ngrënë ushqim.

TË FUNDIT