Ballina Blog Faqe 10048

Zhdrella: Krasniqi ndryshoi diçka, gjithçka shumë mirë

Ramiz Krasniqit i mjaftuan katër ditë për ta rikthyer shpirtin e vërtetë të Prishtinës dhe për të marrë një fitore të madhe në “Demush Mavraj” ndaj Istogut.

Ndryshimi brenda skuadrës është evident dhe këtë e ka vërejtur shumë mirë edhe Mentor Zhdrella. Në prononcimin për sajtin zyrtar të klubit në prag të ndeshjes ndaj Dritës, ai ka folur edhe për ndryshimin mes Prishtinës së Bylbyl Sokolit dhe kësaj të Krasniqit.

“Normalisht, çdo ndërrim i trajnerit sjell disa ndryshime, ndërron diçka. Tash gjithçka është duke shkuar mirë dhe besoj që do të vazhdojë kështu edhe në të ardhmen”, ka thënë Zhdrella.

Ai është shprehur optimist për fitoren ndaj gjilanasve, duke thënë që prishtinasit duhet të japin gjithçka në fushë, sepse në kryeqytet zbarkon një kundërshtar mjaft i fortë dhe maksimalisht i motivuar.

Në detaje: LG G4 është gati të ballafaqohet me Galaxy S6 dhe One M9

Samsung dhe HTC nuk janë vetmit prodhues të cilët po duelojnë për të sjellur në treg smartfonët me materialet më të mira të ndërtimit. Nga ana tjetër LG-ja sot shfaqi potencialin e saj në dizajn ku kompania koreane nuk është e dhënë pas metalit por pas lëkurës në ndërtimin e smartfonit të saj më të mirë.

Pak minuta më parë kompana zbuloi zyrtarisht smartfonin e saj më të mirë LG G4 në New York të Shteteve të Bashkuara. Të themi të drejtën, krahasuar me modelin e vitit të kaluar LG G3, gjenerata e katërt G4 sjell përmirësime të dukshme jo vetëm në pamje por edhe harduer e softuer.

lgg4_8963-100581784-largeSmartfoni ka në bord Android Lollipop 5.1 dhe karakterizohet nga një ekran 5.5 inç Quad HD me rezolucion të frikshëm prej 2560 x 1440 piksel. LG reklamon një teknologji të quajtur Quantum HD për ekranin e saj duke pretenduar se është edhe më cilësor se ato AMOLED. E çuditshme por deri diku e justifikuar është përzgjedhja e proçesorit të G4, ku LG ka vendosur të implementojë modelin Snapdragon 808 në vend të modelit më të mirë të këtij viti që është Snapdragon 810.

Mbase zgjedhja e kompanisë ka ardhur si rezultat i problemeve të Snapdragon 810 raportuar më parë nga Samsung ç’ka bëri që kjo e fundit përdorte proçesorin e saj Exynos. Specifikat e LG G4 vijojnë me 3 GB RAM dhe 32 GB hapësirë të brendshme.

lgg4_8921-100581774-large

Kamera e smartfonit duket të jetë edhe komponenti që është përmirësuar më tepër duke kaluar nga 13 Megapiksel në 16 Megapiksel. Por nuk është madhësia e sensorit ajo që e bën këtë kamër më të mirë por hapja e re e lentes të cilën LG e ka reklamuar edhe në ftesën e saj një 1 muaj më parë. Hapja f/1.8 duhet të lejojë më shumë dritë në brendësi të sensorit duke përmirësuar ndjeshëm cilësinë e fotove kryesisht në ambjente me pak dritë.

Por mbase dy nga veçoritë më të rëndësishme që Samsung i largoi me Galaxy S6 këtë vit janë: Bateria e lëvizshme 3000 mAh dhe mbështetja për kartat microSD.

lgg4_8928-100581776-largePërveç harduerit fantastik, ajo që diferencon LG G4 nga konkurrentët është materiali i ndërtimit prej lëkure duke bërë këtë smartfonin e parë me një ndërtim të tillë. Ndryshe nga lëkura “e rremë” që Samsung përdorte në smartfonët e saj të linjës Galaxy, LG ka sjell një lëkurë të vërtetë për G4.

lgg4_8942-100581779-large

Gjithashtu një tjetër risi që vjen më këtë smartfon është hapësira falas që po ofron Google në shërbimin Cloud të Drive prej 100 GB. Sistemi operativ pjesë e LG G4, Android Lollipop 5.1 është një indikator i qartë sesi LG po largohet nga përshtatja e Android drejt versioneve stock të Google. Kjo do të thotë se sa më larg këtyre versioneve të përshtatura të Android, aq më shpejt do të mbërrijnë përditësimet siç ndodh me modelet e Motorola.

Nëse nuk e preferoni një smartfon prej lëkure mund të përzgjidhni plastikën por që nuk ka variante matalike të smartfonit. Dhe për ta mbyllur ne themi diçka të fundit: 2015-ta është viti i smartfonëve me materiale ndërtimi Premium.

 

Zëvendëskryeministri Shala takoi përfaqësuesen e KE-së, Garcia Fidalgo

Në takimin që u zhvillua sot në Ministrinë e Kulturës, Rinisë dhe Sportit (MKRS) ndërmjet zëvendëskryeministrit Kujtim Shala dhe znj. Marta Garcia Fidalgo, u bisedua për punën dhe angazhimet e Komitetit Drejtues Institucional me theks, Strategjia dhe Plani i Veprimit për integrimin e komunitetit RAE që jetojnë në Kosovë.
Këshilltarja e lartë e Komisionit Evropian për të drejtat e këtij komuniteti, znj. Fidalgo, u interesua për planet dhe objektivat që ka Komisioni Drejtues dhe institucionet qendrore e lokale në tërësi në Kosovë për komunitetin RAE. Ngase, sipas saj, ky është një prej prioriteteve të KE-së. Edhe në raport me Kosovën, ajo kërkoi që çështja e të drejtave dhe integrimit të këtij komuniteti të jetë i tillë. Ajo shprehu interesimin për intensifikimin e bashkëpunimit, sidomos në kultivimin e dialogut dhe diversitetit kulturor.
Garcia Fidalgo theksoi se institucioni që përfaqëson është i gatshëm që të kontribuojë dhe ndihmojë në avancimin dhe thellimin e bashkëpunimit mes KE-së dhe institucioneve të Kosovës, e në veçanti atyre që merren me të drejtat e komunitetit RAE.
Zëvendëskryeministri Shala i dëshiroi mirëseardhje në Kosovë znj. Fidalgo dhe e njoftoi për punën e KDI-së në tërësi si dhe koordinimin me institucionet tjera në drejtim të përkrahjes dhe integrimit të këtij komuniteti në jetën institucionale dhe shtetërore të Kosovës. Në kuadër të punës, ai përmendi se do të përpilohet një strategji e plan veprimi i cili realisht do të prek dhe zgjidh problemet e këtij komuniteti që jeton e vepron në Kosovë, duke e përfshirë në komunikim drejtpërdrejt këtë komunitet si palën më të rëndësishme.
Po ashtu, Shala, e njoftoi përfaqësuesen e KE-së se në MKRS është një divizion i veçantë i cili punon për promovimin e diversitetit kulturor, ku kryesisht realizohet mbështetja e projekteve të ndryshme të komuniteteve në promovimin e kulturës së tyre.
Gjithashtu, zëvendëskryeministri Shala e falënderoi për gatishmërinë për bashkëpunim, dhe u shpreh i gatshëm në thellimin e tij, në funksion të realizimit e objektivave që ka Komisioni Evropian në Kosovë.
Në takim, mes tjerash u dakordua për harmonizimin e angazhimeve të përbashkëta në hartimin e planit të ri të veprimit dhe agjendën e përbashkët dhe këto dokumente strategjike të finalizohen deri në fund të vitit.

Kryeparlamentari udhëtoi për në Strasburg

Delegacioni parlamentar i Kosovës merr pjesë në takimin e shtatë ndërparlamentar: Parlamenti Evropian – Kosova, i cili zhvillon punimet më 29-30 prill në Strasburg të Francës
Kryetari i Kuvendit të Republikës së Kosovës, Kadri Veseli, në krye të një delegacioni parlamentar, ka udhëtuar sot për në Strasburg të Francës. Delegacioni parlamentar i Kosovës do të marrë pjesë në takimin e shtatë ndërparlamentar: Parlamenti Evropian – Kosova, i cili zhvillon punimet më 29-30 prill 2015.
Takimi do të bashkëkryesohet nga kryetari i Kuvendit të Kosovës, Kadri Veseli dhe kryesuesi i Delegacionit të PE-së për marrëdhënie me Bosnjë dhe Hercegovinën dhe Kosovën, Tonino Picula.
Në takim do të diskutohet për progresin e Kosovës drejt integrimit Evropian, Marrëveshjen e Stabilizim-Asociimit dhe përfshirjen e Kosovës në Programet e BE-së, liberalizimin e vizave, bashkëpunimin rajonal, dialogun mes Kosovës dhe Serbisë, si dhe luftën kundër korrupsionit e krimit të organizuar.
Në përbërje të delegacionit, të kryesuar nga kryeparlamentari Veseli, janë: Xhavit Haliti, Sabri Hamiti dhe Aida Dërguti – nënkryetarë të Kuvendit, Enver Hoxhaj, kryetar i Komisionit për Punë të Jashtme, Teuta Sahatqija, kryetare e Komisionit për Integrime Evropiane, Pal Lekaj, deputet nga Grupi Parlamentar i AAK-së, Haxhi Shala, kryetar i Komisionit për Mbikëqyrjen e Agjencionit Kosovar për Inteligjencë dhe Ganimete Musliu, anëtare e Komisionit për Punë të Brendshme.

Kosova ka të arritura por edhe sfida në të Drejtat e Pronësisë Intelektuale

Në kuadër të shënimit të Ditës Botërore të Pronësisë Intelektuale në Kosovë, sot, Ministria e Kulturës, Rinisë dhe Sportit, Ministria e Tregtisë dhe Industrisë dhe Projekti i financuar nga BE “Forcimi i Sistemit të Pronësisë Intelektuale në Kosovë” – EUIPR, organizuan Konferencën Kombëtare për Pronësi Intelektuale në Kosovë, ku u paraqitën sfidat dhe të arriturat në fushën e mbrojtjes së të drejtave të pronësisë intelektuale.

Në konferencën e organizuar morën pjesë përfaqësues të lartë të institucioneve qendrore e lokale që kanë lidhje me këtë fushë të rëndësishme dhe palët e përfshira që veprojnë në Kosovë në kuadër të mbrojtje së të drejtave pronësore intelektuale.

Rexhep Hoti, zëvendësministër i Kulturës, Rinisë dhe Sportit, në Konferencën Kombëtare për të Drejtat Pronësore Intelektuale në Kosovë, tha se kjo e fundit ka ndërtuar infrastrukturën ligjore për të drejtat e autorit dhe të drejtat e përafërta.

Në kuadër të ndërtimit të infrastrukturës ligjore në këtë fushë është nxjerrë Ligji për të Drejtat e Autorit dhe të Drejtat e Përafërta si dhe tash është në proces të plotësimit-ndryshimit, me qëllim që të jetë i harmonizuar me direktivat e Bashkimit Evropian”, tha Hoti.

Gjithashtu, zëvendësministri Hoti theksoi se me qëllim të luftimit të piraterisë si dhe në funksionim të krijimit të një sistemi funksional të së drejtës së autorit Task Forca Kundër Piraterisë po zhvillon aktivitetet e saj duke ndërmarrë veprime në terren ku ka konfiskuar materiale të shumta pirate.

Hoti po ashtu shprehu ankesën se mënjanimi i Republikës së Kosovës prej Bashkimit Evropian, me të drejtë apo pa të, pavarësisht se Kosova është duke ndërtuar standarde evropiane, ekskluzivisht që nga viti 2012 e këndej, duket të mos jetë vetëm përgjegjësi e institucioneve tona. Sipas tij, aq më tepër kur në Kosovë është me fuqi ekskluzive gjyqësori i Bashkimit Evropian që nga viti 2008.

Nga ana tjetër, Hykmete Bajrami, ministre e Tregtisë dhe Industrisë tha se dikasteri që ajo drejton përkrahë fuqishëm forcimin e sistemit të pronësisë intelektuale.

Bajrami tha se mbrojtja e markave tregtare dhe të patentave industriale përbën dy fusha ku vendi ynë përballet me sfida.

Ministrja Bajrami tha se pronësia intelektuale ka rëndësi të madhe për ekonominë e vendit. Bajrami tutje u shpreh se duhet të inkurajohen zhvillimet teknologjike përmes mbrojtjes së pronësisë intelektuale.

Kurse Libor Chlad, zëvendëskryesues për Bashkëpunim nga Zyra e BE-së në Kosovë tha se pronësia intelektuale luan rol të rëndësishëm në tregun ndërkombëtar prandaj është e rëndësishme që ajo të mbrohet me ligj.

Chlad theksoi se një sistem efektiv i Pronësisë Intelektuale është i rëndësishëm sidomos në parandalimin e piraterisë.

Ai shprehu gatishmërinë e Bashkimit Evropian për bashkëpunim, për fuqizimin e të drejtave pronësore intelektuale në Kosovë.

Ndërkaq, Liljana Kuterovac, Drejtoreshë e Përgjithshme nga Zyra Kroate e Pronësisë Intelektuale informoi për përvojën e Kroacisë në këtë fushë.

Ajo tha se nga përvoja e shtetit të saj, të drejtat e pronësisë intelektuale janë të rëndësishme për BE-në. Kuterovac tha se përkushtimi politik është mjaft i rëndësishëm sikurse edhe bashkëpunimi ndërinstitucional sa i përket të drejtave pronësore intelektuale.

Skenderaj, grabitje me armë

Një rast me elemente të veprës penale ‘grabitje me armë’ është raportuar në stacionin policor në Skenderaj në mesnatë rreth orës 00:30 të datës 27 prill 2015.
Sipas viktimës mashkull shqiptar 38 vjeçar, i cili ushtron veprimtari taksi derisa ishte duke udhëtuar në drejtim të fshatit Polac, në rrugë ishin paraqitur dy persona, fillimisht në cilësi të udhëtarëve të cilët kishin kërkuar nga viktima që në marrëveshje t’i dërgojë në Vushtrri, gjë që viktima kishte pranuar, ku me të kaluar fshatin Polac dy personat e dyshuar kanë urdhëruar viktimën të ndalojë veturën, ku nën kërcënimin e armës ia kishin marrë një shumë parash prej 65 euro dhe dy të dyshuarit ishin larguar në drejtim të një fshati tjetër të asaj zone.
Mbi bazën e informacioneve fillestare njësitë policore menjëherë janë vënë në kërkim të personave të dyshuar, si dhe të mbledhjes së çdo informacioni në lidhshmëri me rastin e ‘grabitjes’.
Është siguruar deklarata e viktimës për rrethanat e rastit si dhe përshkrimin e personave të dyshuar, për aç sa viktima ka mundur të paraqesë.
Policia me autorizim të prokurorit ka nisur hetimet drejt zbardhjes së rastit të veprës penale ‘grabitje me armë’.

Inter Channel, reportazh për tifozët shqiptarë

Tifozët shqiptarë të Inter kanë qenë një e befasi e këndshme edhe për kanalin zyrtar të klubit. Grupit të përkrahësve të ardhur me autobus deri në Milano i është kushtuar një reportazh ku është vlerësuar pasioni i tyre për zikaltrit.
57 tifozë kanë ndjekur derbin e Madoninës ku janë larguar me një barazim nga “San Siro”. Ata kanë takuar lojtarët për të cilët brohorasin në çdo ndeshje edhe kur janë duke i ndjekur nga Tirana. Vëmendja kryesore për Xherdan Shaqirin.
Inter Club Albania ka patur edhe lëvizje të tjera të organizuara gjatë gati 4 viteve të ekzistencës së këtij grupimi të njhohur nga klubi zikaltër./TvKlan/

Pesë top-golashënuesit e La Ligës (foto)

Kur kanë mbetur edhe pesë javë deri në përfundim të kampionatit spanjoll, sulmuesi i Realit të Madridit, Cristiano Ronaldo, kryeson ranglisten e golashënuesëve më të mirë në Spanjë.
Portugezi kyreson me 39 gola, tri më shumë se Lionel Messi.
Në vend të tretë vjen “zbulimi” i La Ligës, Antonio Griezman, sulmuesi i Atl. Madridit që ka shënuar 22 gola, tri më shumë se Neymar i Barcelonës.
Në vend të pestë renditet Carlos Baca i Sevillas me 17 gola.

Tre emra të rinjë në mercaton verore për Realin

 

Pasi ka siguruar shërbimet e mbrojtësit të Portos, Danilo, Reali ka piketuar edhe tre emra të rinjë për t’i transferuar gjatë verës në “Santiago Bernabeu”.
Sipas gazetës spanjolle “Marca”, drejtuesitë e Realit kanë biseduar për merkaton e verës, dhe kanë arritur në përfundim se duhet transferuar një portier, një mbrojtës të majt dhe një mesfushor.
Sipas gazetës madrilene, në portë është i dëshiruar De Gea i Manchester United, në mbrojtje Alaba ose Gaya, kurse në mesfushë Marco Verrati i PSG.

Në Dropbox, tashmë përdoruesit do të mund të komentojnë mbi skedarët

Dropbox zgjodhi ditën e sotme për të sjellur një risi të re në shërbimin i saj, i cili esencialisht e bën më të lehtë shpërndarjen e skedarëve mes përdoruesve. Bëhet fjalë për veçorinë e komenteve. Çka do të thotë kjo? E thjeshtë! Përdoruesit mund të komentojnë apo të bashkëbisedojnë në lidhje me një skedar të shpërndarë nga Dropbox.

Kur të tjerët të komentojnë mbi një skedar të shpërndarë nga Dropbox, automatikisht do të lajmëroheni përmes një njoftimi në postën tuaj elektronike. Të gjithë ata që janë në gjendje të aksesojnë skedarin do të mund edhe të komentojnë mbi të por Dropbox vuri në dijeni se ky funksionalitet mund të ç’aktivizohet përmes menusë së opsioneve.

Doni më tepër? Në fakt kur të komentoni mbi një skedar mund të përmendni edhe individë specifikë thjeshtë duke vendosur simbolin “@” përpara emrit. Dropbox tashmë ofron mbështetje për aplikacionet Office Online ç’ka bën të mundur për përdoruesit të editojnë dokumentet e krijuara në aplikacionet Office brenda Dropbox.

Komentet janë që disponueshme që tani në ueb aplikacionin e Dropbox ndërsa kompania tha se“së shpejti” do sjellë këtë risi tek aplikacionet mobile.

TË FUNDIT