Ballina Blog Faqe 10047

“Fluturimet” e dështuara të Thaçit

Zëvendëskryeministri i parë i Kosovës, Hashim Thaçi, i cili është edhe shef i diplomacisë nuk ka arritur tash pesë muaj që të sjellë as edhe një njohje të re për Kosovën. Pavarësisht faktit se ka zhvilluar më shumë se 15 vizita zyrtare jashtë shtetit, madje edhe në vende me shumë ndikim, rezultat konkret në njohje nuk ka pasur.

Zyrtarë të partive politike dhe analistë të ndryshëm thonë se kryediplomati kosovar po tregohet i pasuksesshëm në rrafshin e diplomacisë e gjithë kjo si pasojë e asaj që ai më shumë po e promovon figurën e tij si një president i ardhshëm sesa që merret me politikën e jashtme.

Nga koha kur ka marrë “timonin” e Ministrisë së Jashtme, Thaçi ka zhvilluar një sërë vizitash jashtë vendit madje në vende me ndikim si Washington, Berlin, Paris, Bruksel, Hagë, Ankara, Lubjanë, Zagreb, Tiranë, Shkup, Podgoricë. Aktualisht Thaçi po qëndron për një vizitë zyrtare në Vatikan, shtet ky nga i cili Kosova tash sa kohë është duke e pritur njohjen.

Të pakënaqur me punën e Hashim Thaçit si ministër i Jashtëm janë edhe zyrtarë nga partia e koalicionit. Deputetja e LDK-së, Vjosa Osmani, tha se nuk ka parë asnjë avancim në politikën e jashtme kosovare. “Sa u përket njohjeve personalisht nuk kam pritur se do të ketë lëvizje pozitive në këtë drejtim, sepse loja e fëlliqtë që është bërë edhe gjatë mandatit të kaluar ka treguar për joseriozitetin dhe çakordimin total të politikës së jashtme”, ka thënë ajo.

Ekskluzive: Serbia bëhet gati t’i shkatërroj prodhuesit kosovarë (DOK)

Rritja e kompanive kosovare në fushën e prodhimeve e ka shqetësuar shtetin serb deri në atë masë sa për këtë çështje është marrë edhe Agjencia Informative serbe e Sigurisë e njohur si BIA.

Indeksonline ka raportuar javë më parë se Serbia dhe prodhuesit e këtij shteti janë në panik pasi që tregu i brendshëm i Kosovës ka filluar të furnizohet gati mjaftueshme me prodhimet vendore, duke i larguar gradualisht prodhimet serbe.

Me të parë këtë fiasko të prodhuesve serb, në funksion ka hyrë edhe BIA. Indeksonline posedon një dokument “Top Sekret” të BIA-s që lidhet kryekëput me shqetësimin për mbulimin e tregut të Kosovës nga prodhimet vendase.

Në këtë dokument përmendet se si në vitin 1999 – 30 për qind e prodhimeve serbe të industrisë së ushqimit eksportoheshin në Kosovë dhe kjo e rriste ndikimin serb këtu.

Tutje thuhet se që nga shpallja e pavarësisë së Kosovës në vitin 2008 ka filluar rënia drastike e eksportit të produkteve ushqimore serbe në Kosovës falë kampanjave të ndryshme dhe rritjes së prodhimit të produkteve vendore.

Bile BIA serbe i ka identifikuar prodhuesit kosovarë që po ia marrin tregun prodhuesve serbe dhe e ka përgatitur strategjinë se si të dëmtohen ata.

Në vijim mund të lexoni letrën e plotë “Top Sekret” të BIA-s të siguruara nga Indeksonline lidhur me panikun që e ka kapluar Serbinë për rritjen e prodhuesve kosovar dhe planit për dëmtimin e tyre:

I. Nga viti 1999 tregu i Kosovës ishte i furnizuar me shumicë nga produktet serbe, që përbënte rreth 30 për qind të eksportit të përgjithshëm të industrisë ushqimore serbe. Në këtë mënyrë ne kishim ndikimin tonë ekonomik.

II. Që nga shpallja e njëanshme e pavarësisë së të ashtuquajturës “Republika e Kosovës, në shkurt të vitit 2008, trendi i konsumimit të prodhimeve serbe shënon rënie drastike.

III. Kontribut kësaj rënie të tregtisë me prodhimet serbe, kanë dhënë edhe kampanjat e ndryshme të partive nacionaliste dhe asociacioneve të ndryshme ekonomike.

IV. Kompanitë lokale përgjithësisht kanë prodhuar produkte që mund të krahasohen me prodhimet tona, edhe sipas përmbajtjes edhe sipas dizajnit, kështu që gradualisht po e fuqizojnë praninë e tyre në dëm të prodhimeve serbe.

V. Prodhuesit që kemi munduar t’i identifikojmë janë si në vijim:

– Fluidi (Gjilan) me prodhimin e “Jaffa-s” si zëvendësim për “Nektar”
– Pestova (Vushtrri) me prodhimin e “Vipa Çips” si zëvendësim për “Çips”
– Fruteks (Suharekë) me prodhimin e “Golden Eagle” si zëvendësim për “Guarana”
– M Silosi (Rahovec) me prodhimin e miellit “Finesa” si zëvendësim për “Fidelinka”
– Kllokoti (Kllokot) me prodhimin e “Ujit Kllokoti” si zëvendësim për “Heba”
– Liri (Prizren) me prodhimin e “Sempre” si zëvendësim për “Plazma Keks”
– Eurofood (Prizren) me prodhimin e “Tomato Keçap” si zëvendësim për “Diamant Keçap”
– Qumështi Vita (Istog) me prodhimin e “Vita” si zëvendësim për “Moja Kravica”
– Gllareva (Gllarevë) me prodhimin e “Spec i kuq Dukagjini” si zëvendësim për “Aleva”
– ASK Foods (Gjilan) me prodhimin e “ASK marmelata” si zëvendësim për “Pionir Mermelada”
– Stone Castle (Rahovec) me prodhimin e “Stone Castle” si zëvendësim për “Navip”

Në specifikimin janë të dhënat detaje për të gjitha kompanitë e përmendura, potencialin e tyre, pikat e dobëta, dhe aksionet/hartat të cilat operativët e BIA-s në terren kanë ndërmarrë ndaj atyre dhe prodhimet e tyre.

VI. Me gjithë masat e ndërmarra dhe aksionet, disa nga këto kompani kanë filluar të zgjerohen edhe në vendet e rajonit si në Maqedoni, Shqipëri, Mal të Zi, por edhe në Serbi, që paraqet presion shtesë ndaj prodhimeve tona.

VII. Rekomandimi është që të vazhdohet me fazën e dytë të misionit me angazhimin e operativëve të BIA-s nga terreni të cilët janë të pranishëm në institucione të ndryshme, agjenci, media e deri në parlament ku kemi mundësi të futjes së elementeve që mund të kenë ndikim të madh në ndryshimin e situatës. Për këtë janë të nevojshme masa shtesë të veçuara në specifikat e përmendura. /Indeksonline/

Një drejtor si ky!

 

Ka vetëm katër muaj që është në krye të Drejtorisë për Zhvillim në Mitrovicë, dhe Nasuf Aliu është drejtori më punëtor që ka komuna e Mitrovicës.
Cdo ditë është në terenë, duke biseduar me biznesmenët, fermerët, për t’i kwshilluar për punen që bëjnë dhe për t’u ndihmuar.
Dje ndau farë misri për 75 hektar tokë, që do të jetë një ndihmë e madhe për prodhim vendor, dhe synim ka rritjen tokave me misër deri në 900 hektar!
“Në të ardhmen synojmë të rrisim fondet e përbashkëta me partnerët, në përfitim të fermerëve tanë dhe në këtë mënyrë dëshirojmë që toka bujqësore në komunën tonë të jetë e punueshme. Për këtë vit në Komunën e Mitrovicës planifikohet të mbjellën rreth 900 hektar me misër”, theksoj Aliu.
Sot ai vizitoi fabriken e mobileve “Veli” në Shupkofc duke u njftuar me punën e kësaj kompanie me emër në Mitrovicë dhe më gjerë. Aliu i bëri ftesë pronarit të kësaj kompanie për aplikim në grandin e “USAID EMPOWER” dhe grandeve tjera.
Drejtori Aliu pothuajse cdo javë oragnizon seminare për fermerët për t’u mësuar përvoja të reja në kultivimin e kulturave bujqësore.
Deri më tani drejtori Aliu po e mbanë fjalën e dhënë në ditë e parë të emërimit në këtë detyrë, ”se do të jem dora e djathtë për fermerët dhe biznesmenët mitrovicas”./DrenicaPress/

Rudi Garcia tifoz i Juventusit

 

Juventusit i duhet vetëm edhe një fitore për ta zyrtarizuar titullin kampion në Itali.
Trajneri i Romës, Rudi Garcia, pas fitores ndaj Sasuolos ka thënë se Juventusi është pran fitim të Scudettos, por ai është tifoz i Juventusit vetëm në Ligën e Kampionëve.
“ Jemi dëshmitar që Juventusi është pran fitimit të Scudettos. Do të jem tifozi më i madh i Juves në Ligën e Kampionëve, pasi suksesi i tyre do t’i bëj mirë Seria A”, ka thënë Garcia.

Drejtoria e Bujqësisë subvencionon me farë misri 62 fermerë (foto)

Komuna e Mitrovicës, përmes Drejtorisë për Bujqësi dhe Zhvillim Rural, ka shpërndarë 162 thasë me farë misri, për 62 përfitues me rreth 75 hektar tokë.
Kryetari i Komunës së Mitrovicës, Agim Bahtiri, tha se Komuna këtë vit ka fondin për këtë qëllim prej rreth 60 % më tepër sesa vitin e kaluar. “Bujqësia është një nga shtyllat kryesore zhvillimore në këtë komunë. Aktualisht për sektorin e bujqësisë kemi 110 mijë euro për mbështetje të fermerëve, ndërkaq me rishikim synojmë të rrisim shumën”, tha Bahtiri.
Drejtori i Bujqësisë, Nausf Aliu, tha se kjo është vetëm një nismë, ndërkaq në të ardhmen në bashkëpunim me partnerët tjerë, mendojmë të rrisim shumën e fondeve. “Në të ardhmen synojmë të rrisim fondet e përbashkëta me partnerët, në përfitim të fermerëve tanë dhe në këtë mënyrë dëshirojmë që toka bujqësore në komunën tonë të jetë e punueshme. Për këtë vit në Komunën e Mitrovicës planifikohet të mbjellën rreth 900 hektar me misër”, theksoj Aliu.
Fermerët e kanë mirëpritur këtë ndihmë nga Komuna, duke vlerësuar se përveç ndihmesës, kjo do të jetë edhe motiv shtesë që bujqit t’i punojnë tokat bujqësore.

 

Kolegji holandez ndihmon shkollën “Xhevat Jusufi” në Vidishiq

 

Nxënësit dhe profesorët e Kolegjit “Raayland”, në qytetin Venray të Holandës, kanë ndihmuar me pajisje teknologjike dhe të tjera nxënësit e Shkollës së mesme të Ulët “Xhevat Jusufi”, në Vidishiq të Shalës së Bajgorës.
Me rastin e dorëzimit të këtij donacioni nga profesori i kolegjit të lartpërmendur, Cornelis Sonnemans, shkollës në Bare, ishin të pranishëm edhe kryetari i komunës, Agim Bahtiri dhe drejtoresha e arsimit të komunës, Ajmane Barani, si dhe iniciatori i organizimit të këtij donacioni, Safet Shala, nga Vidishiqi i Shalës së Bajgorës, dikur nxënës i kësaj shkolle.
Profesor Sonnemans, tha se populli i Kosovës nuk i ka merituar gjithë ato vuajtje gjatë dekadave të fundit. “Por, sidoqoftë, tani vuajtjet akne kaluar dhe Kosova po ec përpara, po zhvillohet dhe pë e ndërton ardhmërinë e vet. Natyrisht se në këtë rrugë ka plotë vështirësi, andaj duke i parë problemet me të cilat po ballafaqohen këtu qytetarët, shumë individ, institucione dhe qytetarë holandez, kanë ndihmuar në forma të ndryshme qytetarët e këtushëm”, ka thënë ai.
Sonnemans në vazhdim tregoi, se para të filloj të organizoj ndihma për shkolla, ka organizua ndihma për qytetarë me gjendje të rëndë ekonomiko-sociale. “Tani kemi ndihmua këtë shkollë. Këto janë ndihma të grumbullua nga nxënësit e profesorët e Kolegjit ku unë punoj, “Raayland” dhe nga qytetarët ku shkolla është e vendosur. Meritë ëpr këtë ka edhe bashkëvendësi i juaj, Safet Shala, i cili punon në kolegj. Nuk do të ndalemi vetëm me kaq, por do të vazhdojmë të grumbullojmë edhe ndihma të tjera për këtë, shkollat tjera dhe për qytetarë”, tha ai.
Ai tha se është shumë i gëzuar që po i takon nxënësit dhe arsimtarët e këtushëm, të cilët po bëjnë punë të mirë dhe të cilët padyshim se meritojnë mbështetje edhe më të madhe. “Jam shumë i gëzuar që po e takoj këtu edhe kryetarin e komunës, e që është hera e parë që takoj një kryetar komune me rastin e dorëzimit të donacioneve, e që kanë qenë të shumta në shumë vende të botës. Kjo flet për respektin dhe përkushtimin e tij për të ndihmuar shkollën”, tha Sonnemans.
Kryetari i komunës, Agim Bahtiri, i cili edhe vet ka jetuar me vite të tëra në Holandë, tha se ndihma e kolegjit “Raayland”, është e mirëseardhur dhe do të thotë shumë për nxënësit dhe profesorët e këtushëm. “Kjo ndihmë është edhe më e vlefshme, kur po shihet se është organizuar nga nxënësit, profesorët e punëtorët tjerë të kolegjit, si dhe qytetarët e Venrayt. Ne i falënderojmë shumë për këtë dhe për respektin që kanë ndaj nesh”, tha ai.
Edhe drejtoresha e arsimit, Ajmane Barani, falënderoi profesorin Sonnemans për donacionin e dhuruar dhe e garantoj atë se do të shfrytëzohet në mënyrën më të mirë nga nxënësit dhe arsimtarët e shkollës. Safet Shala, që prej 20 vjetësh jeton në Venray të Holandës, tregoi për mënyrën se si janë organizuar ndihmat nga nxënësit dhe arsimtarët e kolegjit, duke thënë se ko është bërë me dëshirë dhe vullnet të jashtëzakonshëm. Ai tha se në të kaluarën ka organizuar ndihma ët ndryshme për qytetarë dhe se nuk do të ndalet së ndihmuari vendlindjen e tij, sa herë që këtë mund ta bëjë. Safeti njoftoi se të enjten, më 300.04.2014, do të ndihmohet edhe Shoqatë e të pagjeturve në Mitrovicë. Fjalë miradije pati edhe drejtori i shkollës, Smajl Hajdari, i cili tha se shkollës i akne munguar dhe i mungojnë ende kushtet e duhura për punë më të mirë, por që sigurisht se këto ndihma e kanë përmirësuar këtë gjendje.

 

Vehbi Berisha, ngritë shqetësimin lidhur me dhënien në shfrytëzim të Stacionit të Autobuesëve

Në seancën e rregullt të Kuvendit Komunal të Drenasit të mbajtur me datë 29.04.2015 ishte paraparë rendi i ditës me gjithësejtë 7 pika për diskutim, ku njera prej pikave të rendit të ditës ishte edhe propozim-vendimi për shpalljen e Stacionit të Autobusëve në Drenas, pronë me interes  për dhënien në shfrytëzim për Investitoret potencial të huaj ose vendor.
Kjo pikë e rendit të ditës ngjalli mjaftë diskutime tek Keshilltarët Komunal, ku më i zëshmi ishte Asambleisti i Pavarur Vehbi Berisha i cili kritikoi ekzekutivin e Komunes së Drenasit se, së bashku me këtë propozim – vendim është dashtë të sillet para Kuvendit të Drenasit raporti nga Komisioni për dhënien e pronave në shfrytëzim se cilat asete janë në pronësi të Komunes së Drenasit e pastaj të vazhdohet me procedurat tjera. Asambleisti Berisha ndër tjera shtoi: “ Komuna e Drenasit duhet të hartoi kritere të qarta si dhe kushte të barabarta për të gjithë investitoret në këtë rast, dhe jam absolutisht kunder themelimit të një Kompanie publike për menaxhimin e Stacionit të Autobusëve pasi që po e shofim çfarë menaxhimi të dobët po ofrojnë Kompanitë Publike, ndërsa për mua nuk paraqet problem vetëm investimi në infrastrukturë të Stacionit të Autobusëve por edhe rregullimi i organizimit dhe funksionimit të Stacionit të Autobuesëve ashtu si duhet sepse aty mungojnë gjerat më elementare si p.sh. qytetarët nuk kanë hapësirë ku ulën me pritë terminin e nisjes, pastaj mungojne informatat e sakta lidhur me oraret e udhëtimeve” përfundoi fjalimin, duke sygjeruar Komunen e Drenasit që të këtë kujdes me këtë proces pasi që herën e parë ka deshtuar.
Komua e Drenasit para dy vitësh nepërmjet një vendimi të Kuvendit i pati dhënë Kompanisë “Vëllezërit Thaçi” me koncesion Stacionin e Autobusëve në Drenas, e cila kompani pati premtuar investime milionshe në këtë stacion. Por e gjithë kjo perfundoi para pak muajsh kur kompania e lartëcekur iu drejtua Kuvendit të Drenasit me  një shkresë duke i njoftuar se nuk ka mundësi ti realizoj investimet milionshe të premtuara për shkak të mungesës së fondeve, kështu edhe duke hjekur dorë nga shfrytëzimi i metutjshëm i Stacionit të Autobusëve në Drenas. Me rastin e shkëputjes së kontrates ndërmjet Kompanisë “Vëllezërit Thaçi” dhe Komunës së Drenasit, 27 punëtoret e Stacionit të Autobusëve në Drenas kanë mbetur pa paga dhe pa menaxhment, një çështje kjo e cila kërkon zgjidhje të shpejtë  nga Komuna  e Drenasit.

Kryetari i Prishtinës Shpend Ahmeti feston fitoren e KB Prishtinës me tifozët e saj

Edhe kryetari i Prishtinës Shpend Ahmeti ka uruar klubin nga kryeqyteti për fitoren ndaj Rilskit, fitore kjo që e bën Sigal Prishtinën kampion të Ligës Ballkanike në basketboll

Ahmeti ka qenë pjesë e tifozëve të shumtë në sheshin “Zahir Pajaziti” në Prishtinë që janë mbledhur në mbrëmje për ta parë ndeshjen që zhvillohej në Samonove në Bullgari.

Ahmeti ka postuar disa fotografi të kësaj atmosfere me një shënim:Urime Prishtinë. Ndjenjë e papërshkrueshme!.

Ta ndihmojmë Granit Xhakën për tu futur në formacionin më të mirë në Bundesliga

Mesfushori kosovar me pasaportë zvicerane, Granit Xhaka ka zhvilluar stinorin më të mirë në karrierën e tij.

Ylli i Përfaqësueses së Zvicrës dhe skuadrës gjermane Borussia Moenchegladbach vlerësohet lartë në Gjermani dhe ai ka tifozët jashtëzakonisht të shumtë edhe në të gjitha viset shqiptare.

Përderisa votojmë gjithmonë për yjet botëror si Messi e Ronaldo, një gjë të tillë duhet ta bëjmë edhe për një futbollist shqiptarë.

Mjafton të futemi në faqen zyrtare të Bundesligas, dhe aty të klikohet tek foto e Granit Xhakës, i cili është në konkurrencë për një pozitë në foracmionin më të mirë të vitit në elitën e futbollit gjerman me dy yjet e Bayernit, David Alaba dhe Xabi Alonso, si dhe Luiz Gustavon nga Wolfsburgu, Johannes Geis i Mainzit dhe Eugen Polanskin e Hoffenheimit.

Faqja zyrtare e Bundesligës ka hedhur në sondazh lojtarët për të gjitha pozitat, dhe si mesfushor qendror Graniti e meriton të jetë në këtë 11-she.

“Xhaka e ka vendin në mbrojtjen e Gladbachut. Ai nuk ka luajtur këtë stinor vetëm në katër ndeshje shkaku i kartonëve. Lojtari i Zvicrës është një teknik i mirë, që këtë sezon ka mesatare të pasimeve 90-91 pasime për ndeshje, më së shumti te Borussia. Xhaka po ashtu ka shënuar pesë gola, tri prej të cilave ishin brilant nga largësia”, është përshkrimi i ‘Bundesliga.de’

Për të votuar Granitin, klikoni këtu dhe pasi të futeni në faqe klikoni mbi emrin e Granit Xhakës për ta votuar atë.

Hoti kërcënon mësimdhënësit, Sherri i grevës do t’u zbriten pagat

Ministri i Financave, Avdullah Hoti ka thënë të gjithë mësimdhënësve të Kosovës se muajin tjetër pagat do t’i marrin më të ulta.

Ai ka thënë se do të llogariten ditët e humbura, që po mbahen në greve dhe mbi këtë do të ndalën edhe pagat.

“Ne do i llogarisim këto ditë dhe në fund të muajit do ti alokojë më pak para për mësimdhënësit. Ditët e humbura në grevë nuk do të llogaritën punë”, ka thënë Hoti në RTK.

Ai ka thënë se është e pakuptueshme që të vazhdohet greva derisa, sipas tij mësimdhënësit sot i kanë marr pagat me rritje.

“Sot i kemi alokuar parat për 28 mijë punonjës të arsimit. Pagat i kanë marr me rritje. Është e pakuptueshme që të protestojnë”, ka thënë ai.

“Ne do të kujdesemi që në pagat e muajit maj do të zbriten ditët e humbura të punës sepse unë kujdesem për financat publike. Nuk mund të paguhet dikush që nuk punon”, tha Hoti.

TË FUNDIT