Ballina Blog Faqe 10046

Kryeministri Isa Mustafa priti kryetarin e Komitetit Olimpik Ndërkombëtar, Thomas Bach

 

Kryeministri i Republikës së Kosovës, Isa Mustafa, priti sot në takim një delegacion të gjerë të Komitetit Olimpik Ndërkombëtar (KON), të udhëhequr nga kryetari i saj, Thomas Bach.
Kryeministri Mustafa e falënderoi kryetarin Bach për kontributin e tij për pranimin e Kosovës në Komitetin Olimpik Ndërkombëtar si dhe për ndërkombëtarizimin e sportit kosovar, në përgjithësi.
Gjatë takimit, ku ishin të pranishëm edhe zëvendëskryeministri dhe ministri i Kulturës, Rinisë dhe Sportit, Kujtim Shala, kryetari i Komitetit Olimpik të Kosovës, Besim Hasani, dhe personalitete të tjera, kryeministri Isa Mustafa vlerësoi pranimin e Kosovës në Komitetin Olimpik Ndërkombëtar, duke theksuar se ky vendim ka rëndësi të posaçme për sportin dhe për rininë kosovare.
Kryeministri Mustafa e njoftoi kryetarin e KON-it edhe me përkrahjen e deritashme si dhe me hapat konkret që do të ndërmerren në vazhdim nga Qeveria e Kosovës, në krijimin e kushteve sa më të mira që sportistët kosovarë të arrijnë rezultate maksimale në garat sportive ndërkombëtare, ku do të marrin pjesë.
Kryetari i Komitetit Olimpik Ndërkombëtar, Thomas Bach, çmoi përkushtimin e institucioneve të Kosovës për avancimin e sportit në Kosovë, si dhe punën profesionale të Komitetit Olimpik të Kosovës në këtë drejtim.
Kryetari Bach po ashtu shprehu përkrahjen e mëtutjeshme të Komitetit Olimpik Ndërkombëtar për avancimin e sportit në Kosovë, duke iu uruar sukses sportistëve kosovarë në garat ndërkombëtare.

Përfundojnë punimet e kogjenerimit në B1 të TC Kosova B

Gjatë kësaj jave janë kryer punët e planifikuara nga KEK në turbinën B1 të TC Kosova B.
Kjo ka mundësuar nxerrjen e avullit për punët testuese finale të sistemit të kogjenerimit nga turbina B-1 që do të bëhen gjatë ditëve të ardhshme që kanë qenë të planifikuara më herët. Kjo do të rezultojë me prodhim të ngrohjes sipas nevojave testuese finale të pajisjeve në fjalë.
“Nëse gjatë këtyre ditëve edhe përkundër temperaturave të jashtme atmosferike të larta do të hetohet ngrohja në banesat tuaja, ju njoftojmë se nuk keni nevojë për shqetësim se kjo është e përkohshme dhe është si nevojë e kryerjes së këtyre testimeve finale për turbinën B1”, theksohet në njoftimin e Arsimit Fetahut, U.D Kryeshef Ekzekutiv i Termokosit.
Njëkohsisht njoftohet se kanë filluar punimet për kyçjen edhe të turbinës B2 në sistemin e kogjenerimit e cila do të rrisë sigurinë e operimit dhe kapacitetin e prodhimit të energjisë termike për sezonat e ardhshme të ngrohjes.
Për shkak të këtyre punimeve në Kosova B, Termokos kishte mbyllur sozonin e ngrohjes së Prishtinës 15 ditë para kohe, pra më 1 prill 2015 .

Filluan xhirimet e filmit “Eho e heshtur”

Sot filluan xhirimet e filmit “Eho e Heshtur” me skenar dhe regji nga Dren Zherka dhe me producent Alban Zogjani. Këto xhirime do të zgjasin deri më 28 prill në Prishtinë ndërsa pjesa tjetër do të xhirohet nga 5 deri 12 korrik në Berlin.
Filmi flet për një vdekje e cila lidh dy njerëz të moshuar, një burrë dhe një grua , që nuk dijnë asgjë në lidhje me njëri-tjetrin, njëri në Gjermani dhe tjetri në Kosovë. Megjithatë ata janë të lidhur përmes emocioneve të tyre dhe kushteve ekzistenciale që edhe pse në shikim të parë janë krejtësisht të ndryshme.
Një grua në Gjermani po fillon një udhëtim për të shqyrtuar jetën e një emigranti të paligjshëm që tashmë ai nuk jeton dhe gjen dhimbjen dhe vetminë e saj, gjërsa ai emigrant ka babain në Kosovë që është një burrë i vjetër të cilin nga kjo humbje e ka kapluar vetmia dhe sheh vetën në fund të udhëtimit.
Në rolet kryesore është Selman Jusufi që paraqitet në rolin e Ismetit ndërsa Christine Kaufmann në rolin e Hannah.
Ky film është i mbështetur nga Qendra Kinematografike e Kosovës dhe është prodhim i shtëpisë filmike ASHA në ko-produksion me Magnus film nga Gjermania.

Alarm te Reali, lëndohet Benzema?

 

Një lajm i keq vjen nga Spanja, ku sipas gazetës madrilene “Marca”, sulmuesi i Real Madridit, Karim Benzema, ka lëshuar stërvitjen e sotme me skuadren pasi ka pasur problem, por që gazeta nuk i specifikon ato.
Gjithnjë sipas Marcas, sulmuesi francez do të mungoj ndaj Malagas në vikend, dhe është në dyshim paraqitja e tij ndaj Atleticos të mërkuren në Ligën e Kampionëve.

Messi apo Ronaldo më i miri? Pele zgjidhë dilemen

 

Gjithmonë ka patur një debat, dhe mbetet ende si dilemë: Kristiano, apo Leo? Sikundër ka patur edhe një pyetje shumë shumë të madhe më parë: Maradona, apo Pele”. Por, së fundmi është vetë legjenda braziliane, Pele ka thënë se nëse do të duhej të zgjidhte njërin në mes të Messit dhe Ronaldos, atëherë ai do të ishte Messi. Zgjedhje e tij, por një preferencë e cila është e dukshme në argumentimin e ish-yllit brazilian. Këto fjalë Pele i ka thënë për Tv “Odena Cero”, mirëpo ka insistuar se të dy lojtarët janë të mëdhenj dhe nuk mund të krahasohen, pasi kanë karakteristika të ndryshme.
“Nuk është se preferoj më shumë Messin apo Ronaldon, pasi ju nuk mund t’i krahasoni ata. Ronaldo është lojtar i madh dhe më shumë sulmues, ndërsa Messi është një lojtarë që shënon shumë gola dhe gjithashtu luan edhe më mbrapa. Në skuadrën time, nëse më duhet të zgjedh njërin, atëherë ai do të ishte Messi”,- tha Pele’.

“Juventusi luan me formacionin më të mirë ndaj Lacios”

 

Kryesuesin e Seria A, Juventusin, e pret një ndeshje shumë e vështirë nesër në shtëpi, pasi përball ka Lacion që renditet pas Juves, por me 12 pikë më pak.
Juventusi që vjen pas impenjimit në Ligën e Kampionëve, nesër kundër Lacios do të luaj me formacionin më të mirë, duke shuar spekulimet se Juve do të luaj me formacioon të dytë, pasi të mërkuren luan ndeshjen e kthimit me Monacon.
Këtë e ka konfirmuar vetë Allgeri, duke thënë se kjo është ndeshje për Scudeto, dhe do të luaj me formacionin më të mirë.
“Nesër është një ndeshje për Scudetto. I kam të gjithë në dispozicion, në fushë më të mirët”, ka thënë Allgeri.

UEFA, Champions League, formacioni i javës

 

Shtëpia e futbollitë evropian, UEFA, ka publikuar formacionin e ndeshjeve të para në cerekfinale të Champions League.
Në portë është portieri slloven i Atletico Madridit, Jan Obllak.
Në vijën e mbrojtjes katërshja:  Siquerira (Atletico), Godin (Atletico), Ramos (Real) dhe Maskerano (Barcelona).
Në mesfushë: Vidal (Juventus), Alcantara (Bayern) dhe Busquets (Barcelona).
Në sulm: Martinez (Porto), Suarez (Barcelona) dhe Quaresma (Porto). Është kë një formacion I rrallë, pasi në të nuk janë dy futbollistët më të mirë në botë, Ronaldo dhe Messi.

Lojtari më i mirë në Premier Ligë? Ja nominimet…

 

Kur po afron edhe funid i sezonit në Premier League, kanë nisur edhe diskutimet se cili është lojtari më mirë në Angli. Kjo dilemë do zgjidhet beranda pak javësh pas të merret vesh se cili futbolllist ka marrë vota më shumë.
Dy kandidatët kryesor për këtë trofe janë Eden Hazard dhe Harry Kane. Më pas vijnë
Diego Costa, Alexis Sanchez, David de Gea dhe Philippe Coutinho.

Cana në “radarët” e Hoffenheim dhe M’Gladbach

“Sirena” gjermane për Lorik Canën. Mediat italiane bëjnë të ditur se kapiteni i Shqipërisë pëlqehet shumë nga klubet e Bundesligës, dhe pas interesimit të Wolfsburgut vitin e kaluar tani në dyert e Lazios kanë trokitur Hoffenheim dhe Borussia Myenchengladbach. Të dyja klubet e Bundesligës kërkojnë ta bëjnë të tyrin sa më shpejt futbollistin shqiptar. Cana në këtë mënyrë i ka të gjitha mundësitë për të kompletuar një paradë prestigji nëpër kampionatet më të forta të Europës pas eksperiencave të mëparshme në Francë, Premier League, e Turqi ndërsa aktualisht ka konsoliduar pozitat e tij në Serinë A. Canës i mbeten pa shkelur për një tur komplet në Ligat më të forta të kontinentit vetëm Bundesliga dhe La Liga në Spanjë dhe ndërmjet tyre Loriku ka shprehur publikisht në të kaluarën preferencën për Bundesligën, që e josh për vetë karakteristikat e kampionatit, stadiumet dhe tifozët.
Gjithsesi duket e vështirë që Cana të transferohet në Gjermani që këtë verë, pasi pas një sezoni të shkëlqyer, Lazio ndodhet në vendin e dytë të klasifikimit të Serisë A dhe i ka të gjitha shanset për të siguruar pjesëmarrjen direkte në Champions League në sezonin e ardhshëm. Në këto kushte është më e mundur që kapiteni i Shqipërisë të respektojë deri në fund kontratën që e lidh me klubin bardhekaltër deri në qershorin e vitit 2016 për të ndihmuar Lazion në vitrinën më luksoze për klubet dhe më pas, të shqyrtojë të gjitha opsionet e tjera. E rëndësishme është që ofertat nuk i mungojnë.

Venger: Me Klopin po bëhet cirk

Trajneri i Arsenalit, Arsen Venger është kthyer të kritikojë sërish kalendarin e ndeshjeve në Premier Ligë dhe në kupën FA. Këtë fundjavë “Topçinjtë” do ta kenë pushim në kampionat pasi të shtunën do të luajnë gjysmëfinalen e kupës FA përballë Reding. “Mendoj se duhet bërë diçka për të ndryshuar rregullat në lidhje me transmetimin e ndeshjeve në TV. Më vjen çudi se pak a shumë në të njëjtën orë luajmë ne në kupën FA dhe dhjetë minuta pas nesh luhet Çelsi kundër Junajtidit.  Çudi si nuk i shohin këto përplasje oraresh”- ka thënë Venger.
Çështja e titullit – “Matematikisht ne jemi ende në lojë për t’u shpallur kampionë. Por në ndryshim nga Çelsi ne duhet të vijojmë të fitojmë takimet tona, duhet t’i fitojmë të gjitha”- ka thënë trajneri Venger.
Largimi i KLop nga Dortmundi – Trajneri i Arsenalit ka komentuar dhe largimin e Jurgen Klop nga Dortmundi. Trajneri gjerman pak kohë më parë ishte në listë si një nga pasuesit e Vengerit në stolin e Arsenalit. Një gjë e tillë nuk e shqetëson aspak trajnerin Venger. “Nuk jam një agjenci për gjetjen e trajnerëve. Unë respektoj çdo trajner, por në këtë rast e shoh këtë situatë si qesharake. Mendoj se çdo klubi duhet të respektojë vendimin e marrë nga klubi i Dortmundit. Ata janë një klub i madh dhe do të arrijë të mbajë lojtarët e vet më të mirë pavarësisht largimit të trajnerit. Ata kanë një histori të madhe e lidhur me rezultate të mëdha dhe nuk besoj se me largimin e Klop historia do të mbarojë këtu”- ka thënë trajneri i “Topçinjve”.

TË FUNDIT