Osmani ngushëllon familjarët e 16 të vdekurve si pasojë e COVID-19

Instituti Kombëtar i Shëndetësisë Publike sot ka njoftuar se janë shënuar 16 vdekje brenda 24 orëve, duke çuar numrin e përgjitshëm në 212.

Kryetarja e Kuvendit të Kosovës, Vjosa Osmani, u ka shprehur ngushëllime familjarëve të viktimave si pasojë e koronavirusit.

“Sot dua të shpreh ngushëllime për familjarët e 16 viktimave nga kjo pandemi e tmerrshme”, është shprehur Osmani.

Gjatë seancës së jashtëzakonshme për rishikimin e buxhetit, Osmani ka kërkuar nga deputetët mbështetje për sigurimin e maskave për qytetarët.

“Duhet t’i ndihmojmë qytetarët të përballojnë këtë shpenzim që dikujt mund t’i duket i vogël. Akoma nuk e dimë edhe sa kohë do të zgjasë pandemia dhe duhet t’i kemi qytetarër e pajisur me maska. Në kohë pandemie partneriteti me qytetarët është i domodoshëm nuk duhet të dështojmë t’ua zgjasim dorën atyre”.

- Advertisement -

MË TË FUNDIT