Njeriu i afërt i Merkel takon Mustafën e Kurtin pritet të inkurajoj formimin e koalicionit qeverisës

Në orët e para të mëngjesit, kreu i Lidhjes Demokratike të Kosovës, Isa Mustafa do të takojë delegacionin e Bunestagut gjerman, të udhëhequr nga njëriu i afërt i kancelares Angela Merkel, Peter Bayer.

Takimi në Lidhjen Demokratike të Kosovës, pritet të fillojë në ora 08:00, derisa, pas vizitës në LDK’së Bayer do të takohet edhe me kreun e Lëvizjes Vetëvendosje, Albin Kurtin.

Për takimin ka bërë të ditur dje pas takimin me Këshillin e Përgjithshëm edhe kreu i LDK’së, Isa Mustafa.

Kjo vizitë e Bayer po shihet si përpjekje për të pajtuar VV’në e LDK’në që të nënshkruajnë marrëveshjen për koalicionin, tash kur të dy partitë kanë pezulluar takimet pasi që nuk po dakordohen për pozitën e presidentit.