Nisin problemet në shkolla/ Izolohen 10 mësues me shenja të Covid-19 në Kolonjë

Vetëm një ditë pas nisjes së vitit të ri shkollor, 10 mësues në Kolonjë dyshohet të jenë infektuar me COVID-19.

Mësuesit kanë shenja të Covid-19 dhe janë vetëizoluar në banesat e tyre deri në përgjigjen e rezultatit të tamponëve. Pas raportimit të shenjave të tyre, Njësia Vendore e Kujdesit Shëndetësor, u ka marrë tamponët.

Burime bëjnë me dije se pjesa më e madhe mësuesve janë nga shkollat e qytetit ndërsa mësohet se janë zëvendësuar nga mësues të tjerë të shkollave, deri në përgjigje të rezultatit.

Ka dalë fillimisht pozitive pastruesja e shkollës në Kolonjë dhe me pas janë testuar edhe mësuesit ndërkohë që janë krijuar vështirësi në zhvillimin e procesit mësimor. Ndërkohë edhe në Devoll janë një çift bashkëshortësh mësues të cilëve u janë marrë tamponët.

Kujtojmë se në këtë vit të ri shkollor për të gjithë sistemin parauniversitar mësimi po zhvillohet nën rregulla të rrepta anticovid për të parandaluar përhapjen e pandemisë. Nxënësit do të qëndrojnë në distancë me njëri-tjetrin, në hyrje të shkollës do t’u matet temperatura dhe do të dezinfektohen tek këmbët dhe duart për të vijuar normalisht mësimin.

Top Channel

- Advertisement -

MË TË FUNDIT