Në Shqipëri nga 59 bashki, e majta fiton 44, e djathta 14

    Votimet e 21 qershorit u quajtën historike, për shkak se qytetarët shqiptarë votuan për herë të parë sipas ndarjes së re territoriale. Rezultatet rikonfirmojnë edhe një herë për pushtetin e së majtës, ndërsa në Tiranë udhëheq Veliaj.

    Rezultatet e deritanishme nxjerrin fitues me një diferencë të thellë koalicionin e majtë “Aleanca për Shqipërinë Evropiane”, ku 47.49 për qind e shqiptarëve me të drejtë vote iu janë drejtuar dje kutive të votimit për të zgjedhur kryebashkiakët e rinj në 61 bashki.

    Qytetarët shqiptarë votuan për 157 kandidatë për kryetar në 61 bashki. 63 parti garuan për të pasur përfaqësuesit e tyre në 1595 vende në këshillat e bashkive. 52 parti janë pjesë e dy koalicioneve të mëdha, Aleancës për Shqipërinë Evropian (37) dhe Aleancës Popullore për Punë dhe Dinjitet (15), ndërsa 11 parti garuan të vetme.

    Policia e Shtetit mori masa për garantimin e mbarëvajtjes së procesit, ku nuk u shënuan incidente zgjedhore. Në zgjedhjet e këtij viti mbi 143 mijë votuan për herë të parë. I gjithë procesi u monitorua nga rreth 3 mijë vëzhgues, 274 prej të cilëve përfaqësues të ODIHR-it.

    22:00 – Dako rizgjidhet në krye të Durrësit

    Ka përfunduar procesi i numërimit të votave në 58 bashki, nga të cilat 43 janë fituar nga kandidatët e koalicionit të majtë, ASHE dhe 14 nga kandidatët e koalicionit të djathtë APPD.

    Ndërsa në Finiq, ka fituar partia MEGA e mbështetur nga APPD-ja.

    Në bashkinë e Durrësit ka përfunduar procesi i numërimit të votave, që shpall fitues kandidatin e ASHE, Vangjush Dako me 57.13 për qind të votave dhe më një diferencë mbi 13 mijë vota në raport me kandidaten e koalicionit të djathtë, APPD, Grida Duma.Me këtë rezultat, Dako rikonfirmohet në krye të bashkisë së qytetit bregdetar për një mandat të tretë.

    Bashkitë e fituara nga ASHE-ja

      1. Poliçan, Adriatik Zotkaj
        2. Skrapar, Nesim Spahiu
        3. Pukë, Gjon Gjonaj
        4. Fushë-Arrëz, Fran Tuçi
        5. Has, Adem Lala
        6. Delvinë, Rigles Balili
        7. Kolonjë, Arben Malo
        8. Libohovë, Luiza Mandi
        9. Belsh, Arif Tafani
        10. Himarë, Jorgo Goro
        11. Cërrik, Altin Toska
        12. Konispol, Shuaip Beqiri
        13. Pustec, Edmond Themelko
        14. Mirditë, Ndrec Dedaj
        15. Roskovec, Majlinda Bufi
        16. Ura Vajgurore, Juliana Memaj
        17. Gramsh, Luljeta Dollani
        18. Sarandë, Floriana Koka
        19. Rrogozhinë, Beqir Nuredini
        20. Korçë, Sotiraq Filo
        21. Peqin, Saimir Hasalla
        22. Tepelenë, Tërmet Peçi.
        23. Kurbin, Artur Bardhi
        24. Lushnje, Fatos Tushe
        25. Këlcyrë, Klement Ndoni
        26. Shijak, Ardian Kokomani
        27. Memaliaj, Durim Rroshi
        28. Fier, Armando Subashi
        29. Gjirokastër, Zamira Rami
        30. Elbasan, Qazim Sejdini
        31. Librazhd, Kastriot Gurra
        32. Patos, Rajmonda Balilaj
        33. Divjakë, Fredi Kokoneshi
        34. Maliq, Gëzim Topçiu
        35. Vlorë, Dritan Leli
        36. Bulqizë, Melaim Damzi
        37. Kuçovë, Selfo Kapllani
        38. Dibër, Shukri Xhelili
        39. Prrenjas, Miranda Rira
        40. Kavajë, Elvis Roshi
        41. Krujë, Artur Bushi
        42. Berat, Petrit Sinaj
        43. Durrës, Vangjush Dako
        44. Tiranë, Erjon Veliaj

     Bashkitë e fituara nga APPD-ja

    1. Klos, Basir Çupa
    2. Tropojë, Besnik Dushaj
    3. Përmet, Niko Shupuli
    4. Mat, Nezir Rizvani
    5. Selenicë, Përparim Shametaj
    6. Vorë, Fiqiri Ismaili
    7. Pogradeci, Eduart Kapri
    8. Vau i Dejës, Zef Hila
    9. Kukës, Bashkim Shehu
    10. Mallakastër, Agron Kapllanaj
    11. Dropull, Arqile Deçka
    12. Devoll, Bledjon Nallbati
    13. Lezhë, Fran Frrokaj
    14. Kamëz, Xhelal Mziu