Maxhuni në SHBA, thotë se Policia e Kosovës është e përgaditur për të qenë pjesë e INTERPOL-it

Drejtori i Përgjithshëm i Policisë së Kosovës, Shpend Maxhuni, i shoqëruar nga dy zyrtarë të lartë të stafit të tij, po qëndron në vizitë zyrtare në Shtetet e Bashkuara të Amerikës.

Qëllimi i kësaj vizite është realizimi i disa takimeve zyrtare me përfaqësues të institucioneve policore, për ngritjen e bashkëpunimit policor në fusha të ndryshme.

Siç njofton kumtesa, ndër takimet më të rëndësishme ishte takimi i realizuar me me komisionerin e Policisë së Neë York-ut Ëilliam Bratton dhe zëvendëskomisionerin për Inteligjencë dhe Kundërterrorizëm John Miller.
Drejtori i Përgjithshëm i PK-së, Shpend Maxhuni falënderoi Bratton për mirëpritjen dhe gatishmërinë e tij për bashkëpunim me Policinë e Kosovës në fusha të ndryshme të zbatimit të ligjit.
Njëkohësisht drejtori Maxhuni njoftoi komisionerin Bratton se Policia e Kosovës tashmë ka dëshmuar veten se është profesionale dhe e përgatitur të jetë pjesë e të gjithë mekanizmave ndërkombëtarë policorë, përfshirë INTERPOL-in, EUROPOL-in etj.

Maxhuni ndër të tjera tha se bashkëpunimi i ndërsjellë dhe përkrahja nga Policia e Neë York-ut në këtë drejtim është e nevojshme, sepse do të ndikojë pozitivisht në bashkëpunimin ndërkombëtar në parandalimin dhe luftimin e krimit të organizuar, terrorizmit dhe të gjitha llojeve të krimit, si në vend, rajon dhe më gjerë dhe se kjo mbetet ndër objektivat kyçe të PK-së.

Nga ana e tij komisioneri i Neë York-ut Bratton, falënderoi drejtorin e Përgjithshëm të Policisë së Kosovës Maxhuni për vizitën e tij dhe shprehu gatishmërinë për bashkëpunimin e mëtejmë në fushën e luftimit të krimit të organizuar, terrorizmit dhe krimeve kibernetike.

Gjatë takimit, i cili u realizua në ambientet e Drejtorisë së Përgjithshme të Policisë së Neë York-ut, të dy krerët e policive u zotuan për vazhdimin dhe ngritjen e bashkëpunimit të ndërsjellë në mes të dy policive si dhe avancimin e përbashkët në fushën e zbatimit të ligjit.

Gjithashtu, drejtori i Përgjithshëm i PK-së dhe stafi i tij javën e kaluar ishin pjesëmarrës në konferencën ndërkombëtare të shefave të policisë (IACP) e cila u mbajt në Chicago të SHBA-së. /Indeksonline/

- Advertisement -

MË TË FUNDIT