Të paktën dy persona kanë mbetur të vdekur dhe 15 të tjerë janë plagosur pasi u goditën nga një makinë në një zonë pedonale të qytetit Trier në Gjermaninë perëndimore.

Pas ngjarjes policia ka deklaruar se shoferi 51-vjeçar është arrestuar. Rrethanat e incidentit nuk janë ende të qarta, por policia u ka kërkuar njerëzve të shmangin zonën.

Kryebashkiaku Wolfram Leibe tha se të paktën 15 njerëz ishin plagosur.

Po ashtu një dëshmitar i cituar nga gazeta “Trierischer Volksfreund” tha se një Range Rover me ngjyrë gri të errët po ecte me shpejtësi të madhe.

Pamjet nga vendi i ngjarjes tregpjnë furgonë policie dhe automjete të tjera emergjence të parkuara në një rrugë pranë portës Porta Nigra të qytetit.

Ndërkohë një treg Krishtlindjesh që zakonisht mbahet atje u anulua këtë vit për shkak të pandemisë.