Lunaçek: Kurrë s’e kam fshehur që jam lesbike

Raportuesja e Bashkimit Europian dhe Nënkryetarja e Parlamentit Europian, Ulrike Lunaçek, ka thënë se ajo kurrë nuk e ka fshehur se ishte homoseksuale, kur ka treguar shkurt për historinë e jetës së saj si homoseksuale në një konferencë të organizuar nga Qeveria e Kosovës, për çështjen e Lesbikeve, Gejëve, Biseksualëve dhe Transgjinorëve, njofton Klan Kosova.

“Kurrë nuk e kam mohuar se jam lesbike, edhe kur kam hyrë në politkë para 20 vjetëve kam thënë me vete pse duhet ta fsheh, sepse duhet të shprehemi lirshëm”, ka thënë Lunaçek.

“Unë jam rritur në një kohë kur as huk ekzistonte një koncept i tillë si lesbike dhe homoseksualitët”.

Lunaçek ka thënë se edhe Kosova “ka ecur shumë përpara në këtë aspekt, madje edhe kjo konferencë tregon diçka të tillë”.

“Edhe në marsh nuk kishte dhunë dhe ai nuk u pengua”, ka thënë Lunaçek duke përshkruar marshin e sotëm nëpër sheshet kryesore të Prishtinës që u bë në ditën Ndërkombëtare Kundër Homofobisë – 17 majin.

- Advertisement -

MË TË FUNDIT