Lumë ofertash për De Biasin, e kërkon edhe një Kombëtare e njohur

Edhe pse Gianni de Biasi ka bërë të ditur se do të qëndrojë në drejtimin e përfaqësueses shqiptare, ai vazhdon të marrë oferta të shumta, disa prej të cilave vlerësohen si “tunduese”.

Sipas “La Gazzetta Dello Sport”, përcjell Panorama Sport, mes tyre spikat një e veçantë prej përfaqësueses së Ukrainës. Drejtuesit e Federatës së këtij vendi mendojnë se Andriy Shevchenko nuk është ende gati të marrë drejtimin e kombëtares dhe janë gati t’ia besojnë De Biasit dhe stafit të tij për eliminatoret e Botërorit 2018.

Gazeta italiane bën të ditur se përveç kësaj ofertë, trajneri ka marrë disa me shifra të larta ekonomike nga kampionati kinez.

Njëkohësisht, për të interesohen klube gjermane, angleze dhe zvicerane, gjë që bën përsëri të pasigurt qëndrimin e mëtejshëm të De Biasit në drejtimin e kuqezinjve.

- Advertisement -

MË TË FUNDIT