Lorik Cana: Gruaja më ngacmon që të bëhem më shumë xheloz

Ish-mbrojtësi i Kombëtares së Shqipërisë, Lorik Cana, ka qenë pasditen e sotme në një lidhje direkte në emisionin “Ftesë në 5” me Bieta Sulon.

Mes pandemisë së coronavirusit, ai është izoluar në shtëpinë e tij në Itali së bashku me bashkëshorten, Monikën dhe dy fëmijët e tij.

I njëjti gjatë emisionit ka treguar se është shumë liberal në martesë për dallim nga gruaja e tij e cila është shumë posesive.

Lorik Cana (Foto: YouTube)

Më tutje, Cana thotë se Monika e ngacmon vazhdimisht që të bëhet më shumë xheloz ndaj saj.

“Jam shumë më liberal në martesë, Monika përkundrazi është më posesive dhe shpesh i vjen çudi se si unë nuk nuk reagoj, nuk bëhem xheloz për disa gjëra. Më ngacmon që të bëhem më shumë xheloz”.

“Sigurisht që kur e dashuron një njeri ke qejf dhe patjetër je xheloz por unë nuk jam në pamje të parë, nuk lë hapësirë, nuk merrem shumë me detajet e vogla”, ka thënë ndër tjerash Loriku.

Ndryshe, Loriku dhe bukuroshja italiane e kurorëzuan me martesë lidhjen e tyre në vitin 2014. /Telegrafi/

- Advertisement -

MË TË FUNDIT

WP2Social Auto Publish Powered By : XYZScripts.com