Lladrovci ka vendosur të bëj koalicion me qytetarët e Drenasit

Kandidati i PDK-së për kryetar të Drenasit, Ramiz Lladrovci, ka thirrur një konferencë për media në të cilën ka shpalosur platformën e tij politike për udhëheqjen me këtë komunë.

Ai ka thënë se gjatë mandatit të tij, do të angazhohet për të përmirësuar jetën e qytetarëve të kësaj komune, duke shtuar se transparenca dhe llogaridhënia do të jenë pjesë kryesore e punës së tij.

“Garantoj se llogaridhënia dhe transparenca do të jenë shtyllat e punës sime. Unë garantoj se çdo vendim në Komunën e Drenasit do të  jetë i hapur edhe për pjesëtarët e shoqërisë civile. Transparencës në institucionet lokale është parakusht për një komunë të zhvilluar dhe qeverisje që i përgjigjet qytetarëve dhe mban përgjegjësi para tyre”, ka pohuar ai.

Duke komentuar koalicionet që i ka arritur kundër kandidati i tij nga radhët e Nisma-s, Lladrovci tha se koalicion do të bëjë vetëm me qytetarin, duke u shprehur i bindur se në raundin e dytë që do të zhvillohet më 18 dhjetor do të shënojë fitore ndaj kandidatit të Nisma-s, Isa Xhemajlaj, raporton Ekonomia Online.