Lajmi i Fundit: Vdesin edhe tre pacientë me COVID-19 në Kosovë, të tjerët në gjendje kritike

Klinika Infektive në Qendrën Klinike Universitare të Kosovës, ka njoftuar për tri viktimat e fundit nga kosonavirusi në Kosovë.

Siç thuhet në njoftimin e tyre, mbrëmë ka vdekur një 57-vjeçar nga Prizreni, ndërsa sot kanë vdekur një 78-vjeçar po ashtu nga Prizreni si dhe një 71-vjeçar nga Suhareka”.

Në njoftimin e SHSKUK-së, më tej behët e ditur se në Klinikën Infektive janë duke u hospitalizuar 97 raste me koronavirus pozitiv.

Sipas tyre 45 raste janë duke u trajtuar me oksigjenoterapi.

Në mjekim intensive siç thuhet në njoftim janë 5 raste, dy në gjendje të rëndë dhe tri raste në gjendje kritike.

Njoftimi i plotë i SHSKUK-së:

Bazuar në raportin e datës 27.06.2020, në Klinikën Infektive të Qendrës Klinike Universitare, janë të hospitalizuar 97 raste Covid -19 pozitiv.

45 raste janë duke u trajtuar në reparte me oksigjenoterapi dhe përkujdesje intensive.

Në repartin e Mjekimit Intensiv janë duke u trajtuar 5 raste, 2 raste janë në gjendje të rëndë duke u trajtuar me oksigjenoterapi dhe përkujdesje intensive, si dhe 3 raste janë në gjendje kritike me frymëmarrje të asistuar me respiratorë

Mbrëmë në Klinikën Infektive ka ndërruar jetë pacienti J.N. 1963 nga komuna e Prizrenit si dhe sot në orët e hershme të mëngjesit ka ndërruar jetë pacienti R. B. 1942 nga komuna e Prizrenit, të cilët përveç infeksionit me Covid -19 kishin edhe sëmundje shoqëruese.

Sot, në orën 08:15, ka vdekur pacienti me inicialet D.N, viti i lindjes 1949 nga Suhareka, i cili ishte pranuar në Njesinë Intensive në objektin e Mjekesisë me datën 23.06.2020, si transfer nga Klinika Infektive, i konfirmuar me strisho pozitive për COVID-19.

- Advertisement -

MË TË FUNDIT

WP2Social Auto Publish Powered By : XYZScripts.com