Komuna e Skenderajt “përvjel mënget”, dënon bizneset që shisnin produkte me afat të skaduar (FOTO)

Gjatë ditës së sotme Inspekcioni i Komunës së Skenderajt ka shqiptuar dënime për marketet që shisnin produkte me afat të skaduar dhe biznese që nuk respektojnë orarin e përcaktuar, shkruan Drenica Press.

Me këtë rast Komuna e Skenderajt ka bërë thirrje që qytetarët të lajmërojnë në rast se hasin në produkte të skaduara apo abuzim me çmime të produkteve.

Lidhur me këtë rast Komuna e Skenderajt tha se: “Interesi i qytetarëve mbi të gjitha! Pas ankesave të qytetarëve ndaj bizneseve që operojnë në qytetin tonë, rreth produkteve ushqimore me afat të skaduar dhe respektimit të orarit të shërbimit, Drejtoria e Inspekcionit ka ndërmarrë veprime të duhura, duke u shqiptuar gjoba, pasi janë konstatuar shkeljet.

Kësisoj, është vërtetuar se njëri nga bizneset në Skenderaj, ka shitur produkte ushqimore me afat të kaluar, kurse një barnatore në qytet nuk ka respektuar orarin e punës, si dhe është konstatuar se ka abuzuar me çmime të produkteve farmaceutike.
Komuna e Skenderajt është e angazhuar të ruhet shëndeti i qytetarëve, sa u përket produkteve ushqimore që konsumojnë qytetarët, dhe nuk do të bëjë tolerime në këtë aspekt. Edhe sa u përket barnatorëve, do të këtë mbikëqyrje nga inspektorët kompetentë, pasi qytetarët janë ankuar për abuzime të çmimeve të barërave.
Komuna e Skenderajt fton të gjithë qytetarët që ballafaqohen me rastet abuzive të çmimeve dhe parregullsi të tjera, t’i denoncojnë tek Drejtoria e Inspekcionit dhe inspektorët e saj.

- Advertisement -

MË TË FUNDIT