Komentatori dhe tifozi i njohur i Milanit ‘shpërthen’ pas humbjes së turpshme të kuqezinjve

Milani u turpërua sot duke u mposhtur 5:0 nga Atalanta në kuadër të ligës italiane.Për kuqezinjtë kjo ishte humbje më e thellë në 21 vitet e fundit.

Kjo paraqitje e dobët e gjigantit italian e ka nervozuar edhe komentatorin e njohur italian dhe tifozin e madh të Milanit, Tiziano Crudeli.

Pas pësimit të golit të pestë, Crudeli “shpërtheu” në fjalë të ashpra kundër lojtarëve dhe stafit duke u bërë thirrje të kërkojnë falje për këtë paraqitje të turpshme.

“T’iu vijë turp, t’iu vijë turp, t’iu vijë turp. Kërkoni falje. Një ekip mund të humbasë, por jo në këtë mënyrë. Kjo nuk është parë ndonjëherë. Duhet të keni minimumin e krenarisë”, fliste i prekur Crudeli.