Kërcënohen banorët në një lagje të Velesit, u ankuan për një ndërtim pa leje

Objekti që ndërtohet mbi shkollën ”Kirili dhe Metodi” në Veles, i ka detyruar banorët aty afër që të ngriten në protestë, transmeton Telegrafi Maqedoni.

Ata thonë se ndërtimi bëhet nga Agjencia për siguri, pa ndonjë leje ndërtimi, ndërkaq konsiderojnë se pushteti lokal e ka nxitur këtë ndërtim, që mund të jetë i rrezikshëm, posaçërisht pas të reshurave të dendura, pasi që gjendet në mes të një kodrine.

Fillimisht komuna e Velesit ka sjellë vendim për heqjen e objektit pa leje, ndaj të cilit vendim është ankuar Agjencia për siguri, për të cilën ankesë nuk ka ende një vendim përfundimtar.

Megjithatë, komuna përsëri ka dhënë leje ndërtimi në hapësirat e njëjta dhe për të njëjtën agjenci.

Banorët të cilët janë ankuar për ndërtimin, kanë deklaruar për Tv Telma se pas ankesave të tyre, dikush ua ka djegur dy vetura, si edhe kërcënohen. Ata kanë dorëzuar padi penale për të gjithë të përfshirët në këtë rast dhe presin përgjigje nga gjykata.

- Advertisement -

MË TË FUNDIT