Kapiteni i Gjilanit, Ylber Kastrati ka reaguar, pas shkrimeve si ai ka qenë një nga lojtarët që e ka ofenduar në baza racore, sulmuesin Harmon.
Sipas tij, kjo nuk përkon me edukimin që ka dhe nuk qëndron aspak, dhe për këtë e ka telefonuar edhe trajneri Tahir Lushtaku, duke i kërkuar falje.

“Fillimisht vërtet u ndjeva i turpëruar dhe i përulur kur e pash se emri im u lakua në një akuzë të tillë. Nuk është etika ime, nuk është edukimi im, nuk është feja ime ajo qe praktikoj , e shumë gjana tjera qe nuk me lidhin me atë etiketim”.

“Me telefonoi trajneri Tahir Lushtaku dhe me kërkoi falje te sinqertë duke sqaruar se ehte bërë një gabim dhe unë nuk kam të bëjë fare me këtë temë”.

“Personalisht nuk mendoj se në ekipën e Gjilanit ka futbollistë që bëjnë gjeste të tilla. Jemi një grup lojtaresh që respektojmë kundërshtarët dhe pranojmë rezultatet edhe ato jo pozitive edhe pse të zhgënjyer.

Mbi gjitha është sport është garë, ka nervozizëm dhe ka situata ndryshme. Prapë se prapë mbetemi shokë të qenies njerëzore me profesion të nyejt sportin, futbollin”, ka thënë Kastrati për Gazetën Sheshi.