Fitorja e Shqipërisë ndaj Armenisë jo vetëm që ka rritur gjasat e Shqipërisë për të shkuar në “Euro 2016”, por edhe ka mbushur arkat e FSHF-së me lekë.
Nga ky takim shumë i rëndësishëm, FSHF arkëtoi rreth 250 milionë lekë të vjetër nga shitja e biletave të ndeshjes Shqipëri-Armeni, që u zhvillua të dielën e kaluar në stadiumin “Elbasan Arena”. Lajmin e konfirmuan dje për “Panorama Sport” burime të sigurta në institucionin e futbollit shqiptar.
Një shumë e konsiderueshme, e cila do të ishte edhe disa herë më e madhe, nëse do të kishin dalë në shitje biletat e tribunës qendrore. Çmimet e biletave kanë qenë nga 10 mijë lekë të vjetër (për tribunat anësore C2, C3, G1 dhe G2) deri në 100 mijë lekë të vjetër (në tribunën qendrore B3).
- Advertisement -
