Hoxhiq tha se Kosova nuk është shtet ligjor, i përgjigjet Duda Balje: Krenare me shtetin tim, askush nuk mund ta dhunojë demokracinë

Gjykata Supreme e Kosovës ka hedhur poshtë të premten pjesën e mbetur të ankesave të dërguara në këtë institucion kundër vendimeve të Panelit Zgjedhor për Ankesa dhe Parashtresa.

Ky vendim i Supremes ka ndikuar që Adrijana Hoxhiq ta humb vendin si deputete në Kuvendin e ri të Kosovës dhe vendin e saj ta zë Duda Balje nga SDU.

Duda Balje në një reagim në Facebook ka thënë se ndihet krenare me shtetin e Kosovës, shkruan Reporteri.net.

Balje ka shkruar se me vendimin e Supremes, u vërtetua dhe konfirmua nga shteti ligjor i Kosovës që askush nuk mundet të shkelë dinjitetin e asnjë komuniteti me vota të një komuniteti tjetër.

Reagimi i plotë i Baljes:

KRENARE ME SHTETIN TIM KOSOVËN !

U vërtetua dhe konfirmua nga shteti ligjor i Kosovës që askush nuk mundet të shkelë dinjitetin e asnjë komuniteti me vota të një komuniteti tjetër. Tash e tutje çdo kush kur të aplikon për mandate të rezervuara e ka të kjart që nuk mund të luaj me vullnetin e askujt!

Shteti i Kosovës është shtet demokratik dhe ligjor, kurse ata që deklarojn se Kosova është shtet jo ligjor kanë probleme serioze me demokracin dhe drejtësin. Kur dikush që ka dashur të dhunoj demokracin e Kosovës flet për jodemokraci atëherë nuk do shumë koment.

Sinqerisht më vjen keq që shumë njerzë janë terrorizuar në këto zgjedhje. Mirëpo verdikti i organeve të drejtësis së shtetit të Kosovës tregoi se demokracia nuk mund dhe nuk do lejohet të shkelët nga askush. Arrestimet për keqpërdorimet në procesin zgjedhor janë sinjal i kjart që s’ka lojë me shtetin ligjor.

Unë i falenderohem të gjithëve që e dhan kontributin e pashoqë që drejtësia të fitoj. I falenderohem PZAP-së, Gjykatës Supreme, Instituit Demokratik të Kosovës, OJQ-ve, opinionistve dhe mediumeve të Kosovës që ndihmuan që e vërteta dhe drejtësia te ngadhnjej fuqishëm.

- Advertisement -

MË TË FUNDIT