Deputeti i PDK’së, Sejdi Hoxha, ka ironizuar me marrëveshjen e fundit mes Albin Kurtit dhe Vjosa Osmanit, gjë e cila po cilësohet edhe si aderim i kësaj të fundit në VV.

Hoxha përmes një shkrimi në rrjetin social Facebook tha se nuk mund ta imagjinojë Vjosa Osmanin duke ndjekur sjelljet e VV’së, ai ka përmendur edhe hedhjen e gazit lotsjellës.

“Nuk po mundem me imaxhinu Vjosën qysh ka me hedh gaz lotsjellës ne sallën e Kuvendit, dhe akte të tjera të dhunës se ajo është demokrate”, ka shkruar Hoxha.

Postimi i plotë:

Koalicioni i Vjosa Osmanit dhe Albin Kurtit është koalicioni me i panatyrshëm politik qe ka ndodhur deri me tani, ky koalicion do ta ketë fatin e njëjtë sikur koalicioni LVV-LDK i proklamuar 4+4 e i cili zgjati 52 ditë, do ta dëshmoj koha.

Ky është koalicion i frikës së humbjes së zgjedhjeve, këtë e dëshmon edhe frika që ka Albini të dal në debat me Kryeministrin e ardhshëm Prof. Enver Hoxhaj.

Krejt në fund nuk po mundem imaxhinu Vjosën qysh ka me hedh gaz lotsjellës ne sallën e Kuvendit, dhe akte të tjera të dhunës se ajo është demokrate.