Gruevski: Zoran Zaev po mundohet që me ndihmën e shërbimeve të huaja të vijë në pushtet

VMRO-DPMNE-ja ka mbajtur tubim sonte në Butel të Shkupit, dhe gjatë fjalimit të tij, lideri i kësaj partie, Nikolla Gruevski, vazhdimisht ka adresuar akuza ndaj LSDM-së dhe liderit të saj, Zoran Zaev, që sipas Gruevskit, po mundohet me ndihmën e shërbimeve të huaja të vijë në pushtet. Gruevski edhe sonte nuk e la pa e përmendur RIDEFINIMIN. Ai tha se Zaev dëshiron ta ridefinojë Maqedoninë, por nuk do t’ja dalë, pasi populli, sipas Gruevskit, do ta fshijë Zaevin nga skena politike e Maqedonisë, raporton SHENJA.

“Të nderuar shokë, kemi duruam një periudhë të gjatë, dy vjet e gjysmë malltretim për të gjithë qytetarët, dy vjet e gjysmë tallje me interesat e shtetit, dy vjet e gjysmë kaos, shpikje të disa votuesve fiktiv, dy vjet e gjysmë manipulim me popullin, nënçmin të kapacitetit të popullit. E shihni çdo natë se çfarë flet, çka premton, për çka është marrë vesht, pse na thotë se tani është koha të RIDEFINOHET Maqedonia. Të nderuar tani është koha që ditën e zgjedhjeve më 11 dhjetor këtë njeri ta fshijmë nga skena politike në Maqedoni”, deklaroi lideri i VMRO-DPMNE-së, Nikolla Gruevski.