Ndërsa kryetari i SBASHK-ut, Rrahman Jasharaj, deklaroi se arsimi fillor, i mesëm dhe ai universitar sot i është përgjigjur thirrjes për grevë të përgjithshme, nga shumë institucione Arsimore të vendit vijnë lajme për mbajtje të mësimit.
SBASHK-u bëri thirrje për grevë të përgjithshme për shkak se, sipas saj, Qeveria nuk përmbushi zotimin që arsimtarëve t’ua paguaj shtesën për vitet e përvojës ashtu siç ishin marrë vesh.
Ndryshe nga pohimet sindikale, Qeveria tha se nuk kishte më arsye për grevë, meqë arsimtarët shtesat do t’i marrin me rrogën e prillit.
Këshilli i Prindërve është deklaruar sa herë kundër grevës, sidomos tash në fazën kur po afron fundviti mësimor.
- Advertisement -
