Gërxhaliu: Dyshohet për dy varreza masive në Kosovë

Drejtori i mjekësisë ligjore Arsim Gërxhaliu, në Klan Kosova,ka folur për dy lokacione ku do të fillojnë kërkimet pasi kanë dyshime për disa varreza masive.

“Lokacioni i parë që do të kërkojmë është në fshatin Llugaxhi të Lipjanit, terreni i dytë më urdhërese të prokurorisë është fshati Kçiq në Mitrovicë. Gjysma e ekipit ndodhet në Serbi, e kemi pak të vështirë qasjen tani për shkak që antropologët ndodhen atje”, tha Gërxhaliu në emisionin Ora e Fundit të Klan Kosovës.

Gërxhaliu ka thënë se në Serbi terreni për kërkime është më i vështirë.

“Ne i kemi tre etazhe që duhet t’i përpunojmë. Rezultatet preliminare flasin për 20 persona, disa tjerë 14-15 persona, jemi duke shpejtuar pasi faktori kohë është i rëndësishëm”.

Ndërsa Gërxhaliu ka thënë se kryetarin e komisionit të të pagjeturve duhet ta emërojë kryeministri.

“Edhe sot e kësaj dite jemi duke u përballur me probleme burokratike. Ende nuk kemi laborator të ADN-së, duhet ta kemi një të tillë. Kosova duhet ta ketë laboratorin vetanak”, tha ai.

- Advertisement -

MË TË FUNDIT