Disa pushues në plazhin e Velipojës kanë zgjedhur që këto ditë të nxehta vere ti kalojnë duke u rrezitur nudo. Në disa foto të publikuara nga JOQ ALBANIA, shihen disa pushues në zonën e Rriollit, të cilët ishin nudo edhe pse plazhi ishte plot me fëmijë dhe familjarë.

Kujtojmë se kjo nuk është hera e parë që pushuesit zhvishen në plazhet shqiptare dhe ankesat për këtë fenomen në plazhe publike janë të shumta e të vazhdueshme.

Por ende nuk kemi asnjë reagim apo masë ndëshkimore të marrë nga ana e policisë për këta qytetarë e pushues që zgjedhin të bëjnë plazh nudo në vende publike, ku prania e fëmijëve dhe familjarëve është e madhe.